KAPITEL 18
Woo waite wij wee wirklig Jësus Kristus någåe daue?
Ine ganse wild miljone lüür säge sai daue Kristus någåe, åwer sai häwe ni dai neemlig gloobe un sai leewe ni oiwerain. Den, wosoo waite wij wee wirklig Jësus någåe däit?
1. Wat bedüürt krist sin?
Air krist sin bedüürt Jësus någåe. (Lees Atos 11:26) Wat däit wijse dat air Kristus någåe däit? Jësus hät sägt: “Wen jij mijm wöör horge, den sin jij wirklig mijm jüngers”. (João 8:31) Dat bedüürt dat air krist mut dat horge wat Jësus inlërt hät. Ales wat Jësus inlëre däir un måke däir, däir t’hoopstime mit God sij Woord. Neemlig soo, ales wat dai wår kristen säge un måke daue, muite mit dai Bijbel t’hoopstime. (Lees Lucas 24:27)
2. Wosoo daue dai wår kristen lijb wijse?
Jësus hät sägt tau dai wat em någåe däire: “Lijbt air der ande soo as ik juuch lijbt häw”. (João 15:12) Wosoo hät Jësus lijb weese oiwer dai wat em horge däire? Hai däir eer helpe un koråsch geewe un wul t’hoop mit eer sin. Jësus hät sogår sij leewend geewt for eer. (1 João 3:16) Neemlig soo, dai wår kristen daue ni bloos säge sai häwe lijb, sai daue wijse dat sai wirklig air der ande lijbe doir dai daile wat sai fortele daue un doir dai daile wat sai måke daue.
3. Wat fon arbëd daue dai wår kristen måke?
Jësus hät tau sijn jüngers air arbëd mit groot wërd geewt. “Hai hät eer schikt taum God sij Regirung preege”. (Lucas 9:2) Åwer sai däire ni bloos preege woo dai lüür God anbeere däire, sai däire preege up airst best stel woo dai lüür wäire un uk huus bij huus. (Lees Atos 5:42 un 17:17) Hüütsendåg dai wår kristen daue uk dai wårhët preege, wat ine Bijbel in ståe, up airst best stel woo dai lüür sin. Sai lijbe dai lüür, dårweegen dat däit eer frööge dai lüür inlëre oiwer dai hofnung un tröösten wat dai Bijbel oos giwt. (Marcos 12:31)
DAU MËR LËRE
Sai woweegen sin dai wår kristen gans aners as dai wat säge sai sin kristen åwer daue ni nåleewe wat Jësus oos inlërt hät.
4. Dai wår kristen wile dai wårhët waite wat ine Bijbel in ståe
Dai airste kristen däire God sij Woord lijbe
Ni ale wat säge sai sin kristen daue wërd geewe tau dat wat ine Bijbel in ståe. Kijk dai VIDEO un nåheer fortel oiwer dai fråg hijr uuner.
Wat daue wek kirche inlëre wat gans aners is as dat wat Jësus inlërt hät?
Jësus hät dai wårhët inlërt wat ine Bijbel in ståe. Lees João 18:37 un nåheer fortel oiwer dai fråg hijr uuner:
Soo as Jësus sägt hät, wosoo koine wij waite wee sin dai kristen wat dai wårhët bijståe daue?
5. Dai wår kristen daue dai wårhët preege wat ine Bijbel in ståe
Dai airste kristen däire preege tau dai andrer
Airer as Jësus nam himel trööggåe is, hai hät tau sijn jüngers air arbëd oiwergeewt wat bet hüüt hen måkt wart. Lees Mateus 28:19, 20 un Atos 1:8 un nåheer fortel oiwer dai frågen hijr uuner:
Däire dai gaure nijges preegt ware bloos up ain stel? Bet wonair däire dai gaure nijges preegt ware?
6. Dai wår kristen daue nåleewe wat sai inlëre daue
Wat hät tau Tom weese dat hai dai wår kristen fuune har? Kijk dai VIDEO un nåheer fortel oiwer dai frågen hijr uuner.
In dai video, woweegen wul Tom nischt mër waite oiwer dai kirche?
Wat hät tau Tom weese dat hai dai wårhët fuune har?
Wat wij måke hät mër wërd as dat wat wij säge. Lees Mateus 7:21 un nåheer fortel oiwer dai fråg hijr uuner:
Wat hät mër wërd tau Jësus: wen wij säge daue wij häwe gloobe urer wen wij wijse doir dai daile wat wij måke dat wij wirklig gloobe häwe?
7. Dai wår kristen daue sich wirklig inenaner lijbe
Dai airste kristen lijbte sich inenaner
Daue dai wår kristen sij leewend wirklig geewe taum sijn bruirers un swesters rere? Kijk dai VIDEO un nåheer fortel oiwer dai frågen hijr uuner:
In dai video, wat hät Lloyd måkt taum Johansson rere?
Denkst duu Lloyd soo måkt as air wat Kristus wirklig någåe däit?
Lees João 13:34 un 35, un nåheer fortel oiwer dai frågen hijr uuner:
Wosoo däire dai wår kristen air der ande behandle? Däire dai wår kristen dai andrer reekne weegen sai wit urer swart sin urer weegen sijn land?
Däire sai lijb wijse lijkerst doir air krijg?
WEK DAUE SOO SÄGE: “Hät nischt sägen wat fon religion häwe wij, dat haupt is an Jësus glööwe.”
Wat fone spruch kast duu leese taum wijse soo as dai wår kristen daue mër måke as bloos an Jësus glööwe?
WAT HÄWE WIJ HIJR LËRT?
Dai wår kristen måke dat wat ine Bijbel stäit. Sai daue dai wår lijb wijse un preege dai gaure nijges.
Denk dij ais nå
Ales wat dai wår kristen säge un måke, mit wat däit dat t’hooppasse?
Wat fon gaure moors daue dai wår kristen wijse?
Wat fone arbëd daue dai wår kristen måke?
TAUM MËR WAITE
Dau mër lëre oiwer wek lüür wat sich anstrenge daue taum soo leewe as Jësus inlërt hät.
Kijk dai geschicht fon ain fruug wat freira wäir ine katolisch kirch un hät ruuterkreege wee dai wår kristen wäire.
“Doir dai Bijbel sai häwe al mijn frågen antwoort!” (Wat Bekandmökt, 1 april 2014)
Kijk woo dai wår kristen lijb wijse daue tau eer bruirers un swesters wat hülp bruuke.
Hülp tau oos bruirers un swersters as air unweerer passijrt is - Stük (3:57)
Lees oiwer dai wår kristen hüüt, wat uk soo måke daue as dai früüsch kristen un daue soo leewe as Jësus inlërt hät.
“Wat däit wijse wat fon is dai wår religion?” (Wat Bekandmökt, 1 märts 2012)