KAPITEL 20
Jehovaa is air God wat ales in ordnung mökt
Jehovaa is air God wat ales in ordnung mökt. (1 Coríntios 14:33, 40) Den, sij folk mut uk soo sin. Wosoo ware dai daile måkt in God sijn gemaind? Un wat mut jërer mësch dår måke?
1. Wee is dai Her fon dai gemaind?
Jësus Kristus is dai Her fon dai gemaind. (Efésios 5:23) Fom himel, Jësus däit ales uppasse wat God sij folk måke däit up Ër. Hai hät dai reäl un forständig eskrav uutsöcht. Dës eskrav sin wek kërls wat Jehovaa sijn gemaind lenke. (Lees Mateus 24:45 bet 47) Früür dai apostels un dai ülster in Jerusalém däire belërungs geewe tau dai gemaind in dai tijd. (Atos 15:2) Neemlig soo, dai reäl un forständig eskrav däit hüüt belërungs geewe tau dai ganse gemainde upe wild. Åwer, dës kërls sin ni Her oiwer God sijn gemaind. Sai daue dai Bijbel lëre taum waite wat Jehovaa wil wat sai måke schåle. Un sai måke wat Jësus wil.
2. Wee sin dai ülster un wat måke sai?
Dai ülster sin forständig kërls wat dai Bijbel benutse daue taum God sij folk inlëre. Sai daue hülp un koråsch geewe tau dai wat Jehovaa dijne daue. Sai krijge kaine loon. Sai daue dat måke ‘mit gaure wile un ni taum dårmit wat fordaine, åwer mit lust.’ (1 Pedro 5:1, 2) Dai hülpsdijners daue dai ülster mithelpe un mit dai tijd oiwer, sai koine ülster ware.
Dai grup kërls wat Jehovaa sij folk lenkt, söcht wek ülster uut taum dai gemainde besuike. Dës ülster daue feel gemainde besuike taum dai bruirers un swesters inlëre un koråsch geewe. Dai ülst wat dai gemaind besuikt, hai kijkt nå dat wat dai Bijbel inlërt taum waite of air braurer hülpsdijner urer ülst ware kan. (1 Timóteo 3:1 bet 10, 12 un Tito 1:5 bet 9)
3. Wat hät jërer tüügen fon Jehovaa oiwer sich?
Ale ine gemaind daue ‘Jehovaa sijne nåme låwe’ wen sai antwooren geewe upe forsamlung un wen sai dai gaure nijges preege, soo’s sai koine. (Lees Salmo 148:12 un 13)
DAU MËR LËRE
Sai wat fon sort her is Jësus un wosoo as dai ülster em nåmåke daue. Sai uk wosoo koine wij Jësus horge un dai ülster mithelpe.
4. Jësus is air her wat gaurigkët wijst
Jësus hät oos wat mit lijb sägt. Lees Mateus 11:28 bet 30 un nåheer fortel oiwer dai fråg hijr uuner:
Wat fon sort her is Jësus un wosoo wil hai dat wij oos forneeme daue?
Wosoo daue dai ülster Jësus nåmåke? Kijk dai VIDEO.
Dai Bijbel däit gans klår uutdüüre wosoo ais dai ülster wirke schåle.
Lees Isaías 32:2 un 1 Pedro 5:1 bet 3 un nåheer fortel oiwer dai frågen hijr uuner:
Dai ülster daue sich anstrenge taum gaurigkët wijse soo’s Jësus. Wosoo däist duu dij forneeme hijr oiwer?
Up wat fon andrer moors koine wij Jësus nåmåke?
5. Dai ülster daue inlëre doir dai daile wat sai måke daue
Wat wil Jësus wat dai ülster maine oiwer dai arbëd wat sai måke? Kijk dai VIDEO.
Jësus hät weese wosoo as dai ülster dai gemaind uppasse muite. Lees Mateus 23:8 bet 12 un nåheer fortel oiwer dai frågen hijr uuner:
Wat sägt dai Bijbel wat dai ülster måke muite? Denkst duu dai praisters daue soo måke?
Dai ülster daue sijn ümgang mit Jehovaa ümer stark måke un sai daue sijn familg mithelpe ain stark ümgang mit God häwe.
Dai ülster daue dai bruirers un swesters ümer bijståe un daue eer sorge
Dai ülster daue jërer månat dai gaure nijges preege
Dai ülster daue dai Bijbel tau andrer inlëre, daue dai stel woo wij oos forsamle daue rëgen måke un daue feel andrer daile måke.
6. Wij koine dai ülster mithelpe
Dai Bijbel wijst oos woweegen muite wij dai ülster mithelpe un bijståe. Lees Hebreus 13:17 un nåheer fortel oiwer dai frågen hijr uuner:
Woweegen sägt dai Bijbel wij muite dai ülster horge mit oos ganse härts? Wat denkst duu dåroiwer?
Lees Lucas 16:10 un nåheer fortel oiwer dai fråg hijr uuner:
Woweegen muite wij dai ülster horge lijkerst in klaine daile?
WEK DAUE SOO SÄGE: “Duu bruukst kain kirch tauhööre taum God dijne.”
Woweegen is dat gaud tau oos God dijne t’hoop mit andrer?
WAT HÄWE WIJ HIJR LËRT?
Jësus is dai her oiwer dai gemaind, un dai ülster daue soo måke as hai inlërt hät. Wij wile dai ülster mithelpe un eer mit lust bijståe, weegen sai sin gaud un daue oos inlëre doir dai daile wat sai måke daue.
Denk dij ais nå
Wee is dai her oiwer dai gemaind?
Wosoo helpe dai ülster dai gemaind mit?
Wat hät jërer ainsig ine gemaind oiwer sich?
TAUM MËR WAITE
Kijk wosoo as dai kërls wat Jehovaa sijne arbëd lenke un uk dai ülster sich bekümre daue oiwer dai kristen hüütsendåg.
Sai häwe dai bruirers un swesters stärkt nog dat forbåre wäir Jehovaa dijne (4:22)
Sai wat dai ülster måke wat dai gemainde besuike daue.
Lees oiwer dai arbëd mit groote wërd wat dai fruuges måke daue ine gemaind.
“Koine dai fruuges wat Jehovaas Tüügen sin praisters sin?” (Wat Bekandmökt, 1 september 2012)
Sai wosoo as dai ülster sich anstrenge daue taum der bruirers un swesters koråsch geewe.
“Ülster ine gemaind daue oos mithelpe taum fröölig sin” (Wat Bekandmökt, 15 januar 2013)