KAPITEL 49
Wosoo koine wij ain fröölig familg häwe? (Stük 1)
Dai wat man grår frigt häwe, wile dat dai frööligkët wat sai hat häwe an eer hochtijdsdag up ümer uuthule däit. Un dat kan soo passijre. Dai kristen wat al lang tijd forfrijgt sin un leewe nå dai formånen fone Bijbel, waite dat gans genau.
1. Wat fone formånen ståe ine Bijbel tau dem kërl?
Jehovaa hät der kërl uutsöcht taum dai familgeschef sin. (Lees Efésios 5:23) Jehovaa wil dat dat wat dai kërl uutsuike däit dai gans familg helpe däit. Tau dem kërl, stäit soo ine Bijbel: “Dau wijrerblijwe dijn fruug lijbe.” (Efésios 5:25) Wat bedüürt dit? Dai kërl wat lijb is behanelt gaud sijn fruug t’huus un uk mank dai andrer lüür. Hai däit eer behüüte un mökt ales wat hai kan taum eer geewe wat sai bruuke däit taum leewe. Hai bekümert sich uk mit dat wat sai forneeme däit. (1 Timóteo 5:8) Un dat oiwerst is, hai däit eer mithelpe dat sai stark im gloobe blijwt. (Mateus 4:4) Hai däit beere un dai Bijbel mit eer t’hoop leese. Dai kërl wat sijn fruug mit lijb behanelt stärkt sijne ümgang mit Jehovaa. (Lees 1 Pedro 3:7)
2. Wat fone formånen ståe ine Bijbel tau dai fruug?
Ine Bijbel stäit dat “dai fruug mut eene kërl uutm härts ëre”. (Efésios 5:33) Wosoo kan sai dat måke? Sai kan wërd geewe dem kërl sijn gaure moors un dat wat hai mökt taum dai familg uppasse. Sai kan uk der kërl ëre doir em sij uutsuiken bijståe un doir mit em up ain gaur årt fortele, lijkerst wen hai kair krist is. Dai fruug dört uk ni slecht reere oiwer eene kërl tau dai andrer.
3. Wosoo kan dai kërl un fruug eer forfrigt leewend stärke?
Ine Bijbel stäit oiwer dai forfrigte lüür: “Dai bëd ware soo as air”. (Mateus 19:5) Dat bedüürt dat sai bëd ales måke muite wat sai koine dat dat lijb wat sai air up ande häwe ni alwart. Sai koine dat måke doir sich tijd ruuterneeme taum t’hoop blijwe un doir mit schik fortele oiwer dat wat sai denke un forneeme. Ine airste stel mut Jehovaa sin, un wijrer as Jehovaa, nischt un går nischt dört mëre wërd in eer leewend häwe as dai kërl urer dai fruug. Sai daue sich sër uppasse taum kaine ümgang häwe mit anerd kërl urer fruug soo as sai bëd häwe.
DAU MËR LËRE
Dau saie dai formånen fone Bijbel wat dij forfrigt leewend stärke koine.
4. Dai kërl mut sijn fruug lijbe un uppasse
Ine Bijbel stäit “dai kërl mut sijn fruug lijbe soo’s sijne aigen körper.” (Efésios 5:28 un 29) Wat bedüürt dit? Kijkt der VIDEO. Nåheer fortelt oiwer dai fråg hijr uuner:
Wosoo däit air kërl wijse dat hai sijn fruug lijbe un uppasse däit?
Leest Colossenses 3:12. Nåheer fortelt oiwer dai fråg hijr uuner:
Wosoo kan dai kërl dës gaure moors wijse?
5. Dai fruug mut eene kërl lijbe un respektijre
Dat wat ine Bijbel stäit däit dai fruug taureere eene kërl respektijre of dai krist is urer ni. Leest 1 Pedro 3:1 un 2. Nåheer fortelt oiwer dai fråg hijr uuner:
Wen dij kërl nog ni Tüüge fon Jehovaa is, gans sicher duu wilst dat hai dat wart. Wat mainst duu is beeter: al tijd oiwer tau em preege urer em respektijre un mit lijb un gaurigkët behandle? Woweegen?
Dai kërl un fruug koine gaur uutsuiken t’hoop måke. Åwer wekmåls kan sin dai fruug denkt ni oiwerain mit dem kërl. Is wår, dai fruug kan eer mainung säge, åwer sai mut dat måke mit schik un fornünftigkët un sai mut andenke dat Jehovaa dem kërl oiwergeewt hät uutsuiken måke wat hai maint beeter tau dai familg is. Sai mut sich anstrenge taum dem kërl sij uutsuiken bijståe. Soo, däit dai fruug mithelpe dat dai familg kan fröölig sin. Leest 1 Pedro 3:3 bet 5. Nåheer fortelt oiwer dai fråg hijr uuner:
Wosoo däit Jehovaa sich befijne wen dai fruug der kërl respektijre däit?
6. Duu kast dai problëms im forfrigte leewend oiwerståe
In jërer forfrigt leewend daue öftens problëms upkåme. Dårweegen, dai kërl un fruug wat t’hoop forfrigt sin muite air dem ande mithelpe taum dai problëms oiwerståe. Kijkt der VIDEO. Nåheer fortelt oiwer dai frågen hijr uuner:
In dem video, wat däit wijse dat dai kërl un fruug sich wijdaf hule däire air fon ande?
Wat häwe sai måkt taum eer forfrigt leewend stärke?
Leest 1 Coríntios 10:24 un Colossenses 3:13. Nådem der airste spruch leese fortelt oiwer dai fråg hijr uuner un nådem der twaite spruch leese fortelt werer oiwer dai fråg hijr uuner:
Wosoo kan dit formånen dat forfrigt leewend stärke?
Ine Bijbel stäit wij muite air der ande ëre. Ëre bedüürt der ande mësche mit schik behandle un respektijre. Leest Romanos 12:10. Nåheer fortelt oiwer dai fråg hijr uuner:
Schal dai kërl urer fruug luure dat dai anerd na foir gäit taum ëren wijse? Woweegen denkst duu soo?
WEK DAUE SOO SÄGE: “Dai daile sin aners woore im mijn forfrigte leewend. Wij sin oos ni mër soo ainig as airste.”
Wosoo däist duu uutdüüre dat dai formånen fone Bijbel dai helpe koine?
WAT HÄWE WIJ HIJR LËRT?
Air forfrigt kërl un fruug koine fröölig sin wen sai sich lijbe, respektijre daue un leewe nå dai formånen fone Bijbel.
Denk dij ais nå
Wosoo kan dai kërl mithelpe taum air fröölig forfrigt leewend häwe?
Wosoo kan dai fruug mithelpe taum air fröölig forfrigt leewend häwe?
Wen’s duu forfrigt büst, wat fone formånen fone Bijbel kan dij forfrigt leewend stärke?
TAUM MËR WAITE
Dau hülps saie wat dij helpe koine air fröölig forfrigt leewend häwe.
Kijk der video mit musik taum saie wosoo dai seegent ware wat leewe nå dai formånen fon God tau dat forfrigt leewend.
Wat bedüürt der familgeschef horge? Dau hijr uuner saie.
“Woweegen mut dai fruug eer kërl horge?” (Wat Bekandmökt, 15 mai 2010)
Wosoo hät Jehovaa Arthur un Zanna mithulpe, wat sich uutananersrijwe låte hare, sich werer t’hoop frijge?