KAPITEL 50
Wosoo koine wij ain fröölig familg häwe? (Stük 2)
Dai kiner sin geschenke fon Jehovaa, un hai luurt dat dai papa un mama gaud dës geschenke uppasse. Dårtau, Jehovaa giwt gaur formånen tau dai papa un mama. Hai däit uk dai kiner formåne dat sai mithelpe dat dai familg fröölig is.
1. Wat fone formånen giwt Jehovaa tau dai papa un mama?
Jehovaa wil dat dai papa un mama eer kiner lijbe un feel tijd mit eer t’hoop forbruuke daue. Hai wil uk dat dai papa un mama eer kiner behüüte un dai wårhëte fone Bijbel benutse taum dai inlëre. (Provérbios 1:8) Wat besägen hät mit dai kiner, Jehovaa sägt tau dai familgeschef: “Daut bijblijwe eer uptreke nå Jehovaa sij formånen un inlëren.” (Lees Efésios 6:4) Jehovaa wart fröölig wen dai papa un mama dës formånen horge. Un hai wart uk fröölig wen dai papa un mama dai kiner uptreke ån der andrer dat oiwergeewe.
2. Wat fone formånen giwt Jehovaa tau dai kiner?
Jehovaa sägt tau dai kiner: “Daut juuch papa un mama horge.” (Lees Colossenses 3:20) Wen dai kiner eer papa un mama horge un respektijre, sai låte dai papa un mama fröölig un Jehovaa uk. (Provérbios 23:22 bet 25) Jësus hät dat weese as hai kind wäir hijr upe Ër. Hai har kain süün, lijkerst soo, hai is bijbleewe sijn papa un mama horge wat süün hare. (Lucas 2:51 un 52)
3. Wosoo kan dai familg sich näiger an God hule?
Wen’s duu kiner häst, gans sicher duu wilst dat sai Jehovaa lijbe soo as duu em lijbe däist. Åwer, wosoo kast duu dat måke? Doir måke wat ine Bijbel stäit: ‘Duu must dijn kiner [Jehovaa sijm wöör] inlëre, un dårfon reere wen’s duu in dijn huus sitst, un wen’s duu upe stråt gäist.’ (Deuteronômio 6:7) Dat woord “inlëre” kan uk bedüüre nåsäge. Gans sicher duu wätst dat al, dat dijn kiner wat lëre daue, duu must dat oft nåsäge. Den, wat dës spruch inlëre däit is dat’s duu must der dag oiwer dij tijd ruuterneeme taum dijn kiner oiwer Jehovaa inlëre. Air gaur dail wat’s duu måke kast is jërer week ain tijd ruuterneeme taum t’hoop dai bijbelstuun mit dijne familg måke. Wen’s duu kain kiner häst, nog soo, is gaud jërer week ain tijd ruuterneeme taum dai Bijbel studijre.
DAU MËR LËRE
Dau hülps saie wat ale ine familg helpe daue fröölig sin un sich gaud befijne.
4. Dau dai kiner mit lijb inlëre
Dat is ni licht dai kiner inlëre. Wosoo kan dij dai Bijbel helpe? Leest Tiago 1:19 un 20. Nåheer fortelt oiwer dai frågen hijr uuner:
Wosoo kan dai papa un mama lijb wijse wen sai mit dai kiner fortele?
Wen dai papa un mama wüütend sin, woweegen döre sai ni eer kiner formåne?a
5. Dau dijn kiner behüüte
Taum dijn kiner behüüte is sër nöörg dat’s duu mit eer fortele däist oiwer seks, lijkerst wen dat ni licht tau dij is dåroiwer fortele. Kijkt der VIDEO. Nåheer fortelt oiwer dai fråg hijr uuner:
Woweegen is ni licht tau wek papa un mama mit eer kiner oiwer seks fortele?
Wat hät wek papa un mama hulpe oiwer seks mit eer kiner fortele?
Soo’s al ine Bijbel foiruutsägt woore is, Satan sijn wild wart ümer slechter. Leest 2 Timóteo 3:1 un 13. Nåheer fortelt oiwer dai fråg hijr uuner:
In dem spruch 13 stäit oiwer slechte lüür, un wij waite dat wek fon dës lüür daue kiner angåe taum seks måke. Den, woweegen is soo nöörg dat dai papa un mama mit eer kiner oiwer seks fortele un daue eer inlëre wosoo sich fon soo’n sort lüür behüüte?
Wätst duu?
Jehovaas Tüügen måke feel buiker un andrer daile wat dai papa un mama helpe mit eer kiner oiwer seks fortele. Dit helpt uk dat dai papa un mama dai kiner inlëre wosoo sai sich behüüte koine gëgen slechte lüür wat eer angåe wile. Dit sin wek fon dai:
Dau dijne kiner behüüte (video)
“Wosoo kast duu mit dijn kind oiwer seks fortele?” (Wåkt Up!, numer 5 2016)
6. Dau dijn papa un mama respektijre
Up dai årt soo’s dai kiner un juugende mit eer papa un mama fortele, däit wijse of sai dai respektijre urer ni. Kijkt der VIDEO. Nåheer fortelt oiwer dai frågen hijr uuner:
Woweegen is gaud dat dai juugende sich anstrenge taum mit eer papa un mama fortele?
Wosoo kan air juugend mit sijn papa un mama fortele up ain årt wat eer ëre däit?
Leest Provérbios 1:8. Nåheer fortelt oiwer dai fråg hijr uuner:
Wat mut air juugend måke wen sijn papa un mama säge wat dai måke mut?
7. Daut juuch tijd ruuterneeme taum dai Bijbel t’hoop lëre
Jehovaas Tüügen daue sich jërer week tijd ruuterneeme taum dai Bijbel t’hoop ine familg lëre. Dit wart nent Bijbelstuun ine familg. Wosoo kan dat måkt ware? Kijkt der VIDEO. Nåheer fortelt oiwer dai frågen hijr uuner:
Wat kan der familg helpe taum jërer week dai Bijbelstuun ine familg måkt krijge?
Wosoo kan dai papa un mama måke dat dai bijbelstuun der kiner gefült un helpt eer mit? (Sai dat bijld im anfang fon dem kapitel)
Wat kan dij forstööre dai Bijbelstuun ine familg måke?
In dem früüsche Israel folk, Jehovaa wul dat dai familg oft oiwer dai Hailig Sriwt t’hoop fortele däir. Leest Deuteronômio 6:6 un 7. Nåheer fortelt oiwer dai fråg hijr uuner:
Wosoo kast duu dës formånen horge?
Dat wat’s duu in dijne Bijbelstuun ine familg måke kast:
Daut t’hoop lëre wat upe forsamlunge weese wart.
Daut ain geschicht ine Bijbel leese un daut dåroiwer fortele.
Wen’s duu klain kiner häst, måk in dijne celular urer komputador dai daile tau dai kiner wat in jw.org sin urer dau dat upt papijr updrüke.
Wen dijn kiner juugend sin, suik uut un fortelt oiwer aine artikel tau dai juugende in jw.org.
Dau ain geschicht fone Bijbel mit dijne kiner foirstele.
Daut aine video kijke in jw.org un daut dåroiwer fortele.
WEK DAUE SOO SÄGE: “Dai kiner koine dai Bijbel ni forståe.”
Wat däist duu säge?
WAT HÄWE WIJ HIJR LËRT?
Jehovaa wil dat dai papa un mama eer kiner lijbe, inlëre un behüüte. Hai wil dat dai kiner dai papa un mama horge un respektijre un uk dat ale ine familg em sijne wile måke daue.
Denk dij ais nå
Wosoo kan dai papa un mama eer kiner inlëre un behüüte?
Wosoo koine dai kiner eer papa un mama respektijre?
Woweegen is gaud dai Bijbelstuun ine familg jërer week måke?
TAUM MËR WAITE
Wat kast duu dijne kiner inlëre wat eer helpe däit wen sai groot ware?
Sai dai formånen ine Bijbel tau dai wat eer uld papa un mama behandle.
“Wat stäit ine Bijbel oiwer papa un mama behandle wat al uld sin?” (Stäit in jw.org taum leesen)
Dau saie wat aim kërl hulpe hät air gaur papa ware wat ni waite däir wosoo sijn kiner uptreke.
Dau saie wosoo air papa kan aine gaure ümgang mit sijm kind häwe.
“Wosoo kan dai papa bijblijwe ainig sin mit sijn kind?” (Wat Bekandmökt, 1 november 2011)
a Nåt: Ine Bijbel dat woord “formåne” hät besägen mit inlëre, belëre un int raich bringe. Dat wil nij ais säge slecht behandle un trasijre urer kwääle. (Provérbios 4:1)