KAPITEL 51
Wosoo koine wij Jehovaa gefale doir dat wat wij säge?
Is air fain geschenk fon Jehovaa dat wij fortele koine. Åwer däit hai sich ankëre an dat wat wij fortele daue? Gewiss doch! (Lees Tiago 1:26) Den, wosoo koine wij fortele dat Jehovaa dat gefale däit?
1. Wosoo koine wij gaud dit geschenk fon Jehovaa benutse?
Ine Bijbel stäit dat wij schåle “bijblijwe air dem ande koråsch geewe un air der ande uprichte”. (1 Tessalonicenses 5:11) Kast duu dij aine denke wat koråsch bruukt? Wat kast duu måke dat dai sich beeter befijnt? Dau dem forståe helpe dat’s duu dij bekümre däist mit dem. Kan sin duu kast der mësche låwe weegen dai gaure moors wat dai hät. Anerd dail wat’s duu nog måke kast is aine spruch fone Bijbel benutse taum dem koråsch geewe. Un dau andenke dat soo as duu fortele däist kan uk dai lüür sër mithelpe. Dårweegen forsuik ümer mit schik un gaurigkët fortele. (Provérbios 15:1)
2. Wat fon sort wöör döre wij ni säge?
Ine Bijbel stäit: “Dat jij kain slecht wöör fortele daue.” (Lees Efésios 4:29) Dat bedüürt wij döre kain soigisch wöör säge un nischt slecht säge urer spoterig måke taum aine argren. Un nog, wij döre kain kwatscherig måke un kaim wat uplaige. (Lees Provérbios 16:28)
3. Wat däit oos helpe gaure wöör säge?
Mëstümer dat wat wij säge wijst tau dai andrer dat wat wij denke un soo’s wij oos forneeme. (Lucas 6:45) Dårweegen muite wij oos anstrenge taum ümer an gaur daile denke, soo’s ‘ales wat gerecht is, ales wat rëgen is, ales wat lijblig is un ales wat låwen wërd is’. (Filipenses 4:8) Dårtau, muite wij oos tijdfordrijwen gaud uutsuike un dai lüür woo wij oos mit t’hoophule. (Provérbios 13:20) Is uk sër gaud denke airer as wat säge. Dau andenke wosoo dijn wöör der andrer angåe koine. Ine Bijbel stäit: “Wöör ån denken säge is soo as air mite espada steeke, åwer dere klauke eer tung is air kurijren.” (Provérbios 12:18)
DAU MËR LËRE
Dau saie wosoo Jehovaa gefale doir dat wat’s duu sägst. Dau uk saie wosoo kast duu der andrer koråsch geewe doir dijn wöör.
4. Pass up mit dat wat’s duu sägst
Hen un wen daue wij wat säge wat oos nåheer lëd daue däit. (Tiago 3:2) Leest Gálatas 5:22 un 23. Nåheer fortelt oiwer dai fråg hijr uuner:
Soo’s in dëse sprüüch stäit, wat fon gaure moors kast duu tau Jehovaa forlange taum nischt sägen wat dij nåheer lëd daue däit? Wosoo koine dij dës gaure moors helpe?
Leest 1 Coríntios 15:33. Nåheer fortelt oiwer dai fråg hijr uuner:
Wosoo kan dai ümgang un tijdfordrijwen angåe dat wat wij fortele daue?
Wat kan angåe dai årt soo’s wij fortele?
Leest Eclesiastes 3:1 un 7. Nåheer fortelt oiwer dai fråg hijr uuner:
Wonair is beeter stil blijwe un luure airer as wat säge?
5. Fortel gaud oiwer dai andrer
Wat koine wij måke taum nischt säge wat der andrer argre däit? Kijkt der VIDEO. Nåheer fortelt oiwer dai frågen hijr uuner:
Dai braurer in dem video hät forspoirt dat hai sich ümer oiwer andrer uphule däir. Woweegen wul hai aners ware?
Wat hät hai måkt taum aners ware?
Leest Eclesiastes 7:16. Nåheer fortelt oiwer dai fråg hijr uuner:
Wen wij wat slechtes oiwer aine säge wile, woo muite wij andenke?
Leest Eclesiastes 7:21 un 22. Nåheer fortelt oiwer dai fråg hijr uuner:
Wosoo koine dij dës sprüüch helpe ni argrig ware wen andrer slecht oiwer dij reere?
6. Fortel mit gaurigkët mit dijne familg
Jehovaa wil dat wij mit gaurigkët un lijb mit oose familg fortele. Kijkt der VIDEO. Nåheer fortelt oiwer dai fråg hijr uuner:
Wat däit dij helpe mit gaurigkët fortele mit dijne familg?
Leest Efésios 4:31 un 32. Nåheer fortelt oiwer dai fråg hijr uuner:
Wij wile fortele up ain årt dat dai in oose familg sich gaud befijne daue. Wosoo kan man dat måke?
Jehovaa hät sägt dat hai sij Kind lijbe däir. Leest Mateus 17:5. Nåheer fortelt oiwer dai fråg hijr uuner:
Wosoo kast duu Jehovaa nåmåke wen’s duu mit dijne familg fortele däist?
Dau oft dai andrer låwe
WEK DAUE SOO SÄGE: “Ik säg wat ik wil, dat gäit der andrer doch nischt an.”
Däist duu uk soo denke? Woweegen?
WAT HÄWE WIJ HIJR LËRT?
Dat wat wij säge kan der andrer helpe urer schåre. Dårweegen, muite wij uppasse mit dat wat wij säge, wonair un wosoo as wij dat säge.
Denk dij ais nå
Wosoo kast duu dai andrer helpe doir dat wat’s duu säge däist?
Wat fon sort wöör wilst duu ais nij säge?
Wat kan oos helpe ümer gaud sin un dai andrer helpe doir dat wat wij säge?
TAUM MËR WAITE
Wat kan oos helpe gaur daile säge?
Dau saie wat dij helpe kan kain soigisch wöör mër säge.
“Is dat wirklig forkërd soigisch wöör säge?” (Stäit in jw.org taum leesen)
Dau saie wat’s duu måke kast taum dij ni inlåte mit kwatscherig.
Dau saie wosoo Jehovaa aine kërl hulpe hät kain soigisch wöör mër säge.
“Ik däir denke an wat ik mit mij leewend måke däir” (Wat Bekandmåkt, 1 august 2013)