Wonair hät God sij regirung anfånge an regijre? (Stük 2)

NABUCODONOSOR SIJ DROOM NÅDENKE

Carlos: Woo gaud dij werer saie João. Mij däit sër frööge dat wij jërer week koine fortele oiwer dai Bijbel.a Woo gäit?

João: Ales schöön, dankeschöön.

Carlos: Woo gaud. Dai lätst mål häwe wij fortelt oiwer woweegen Jehovaas Tüügen säge daue dat God sij Regirung anfånge hät an regijren in 1914. Wij häwe saie dat ain profesijr in Daniel, in dem kapitel 4 dåroiwer fortele däit. Kast duu dij denke wat dës profesijr fortele däit?

João: Jå, is oiwer air droom wat dai köönig Nabucodonosor oiwer air groot boom hat hät.

Carlos: Gans genau. In dës droom, Nabucodonosor hät saie aine groot boom wat hengüng betm himel. Hai hät aine ängel fon God höört ordnung geewe dat dai afhoogt schul åwer dai stuwe schul låte ware. Nåheer dat “soiwen tijd” forbij wäire, dai boom däir werer anfänge an wasse.b Wij häwe uk saie dat dës profesijr up twai moors passijrt is. Kast duu dij denke wat fon is dai airst?

João: Dat airst is as dai selwst Nabucodonosor forrükt woore is soiwen jårelang.

Carlos: Jå, Nabucodonosor is ain tijdlang forrükt woore, un in dës tijd oiwer hät hai ni regijrt. Åwer in dai anerd moor fon dës profesijr, is God sij Regirung wat anhule däir hijr upe ër regijre doir soiwen tijdlang. Soo as wij saie häwe, dai soiwen tijdlang häwe anfånge in dat jår 607 A.K.T, as Jerusalém stad gans un går uutrot woore is. Fon dun an wijrer, kair köönig is uutsöcht woore fon Jehovaa taum sij folk hijr upe ër regijre. Åwer as dës soiwen tijdlang forbij wäire, den däir God air nijg köönig insete, dës mål air im himel. Den, in dai ën fon dai soiwen tijd däir God sij Regirung anfänge ane regijren. Wij daue al waite wonair as dai soiwen tijdlang anfånge häwe. Wen wij waiten krijge wolang as dai soiwen tijd duurt häwe, den koine wij waite wonair God sij Regirung anfånge hät an regijre. Häst duu bet hijr forståe?

João: Jå, is gaud wääst dat nådenke.

Carlos: Den, wiman’s ruuterfijne wolang dës soiwen tijdlang duurt häwe. Ik häw wat leest wat mij hulpe hät dat forståe. Ik dau forsuike dij uutdüüre.

João: Kan sin.

DAI SOIWEN TIJDLANG HULE AN UN FÄNGE AN DAI LÄTSTE DÅG

Carlos: In dat airst moor fon dës profesijr wat taum sägen hät mit Nabucodonosor, dai soiwen tijd sin wirklig wääst soiwen jår. Åwer in dai twait moor fon dës profesijr, wat taum dauen hät mit God sij Regirung, dai soiwen tijdlang koine ni soiwen jår sin.

João: Woweegen ni?

Carlos: Denk hijr an: dai soiwen tijd häwe anfånge as Jerusalém uutrot woore is in 607 A.K.T. Wen wij anfänge tele soiwen jår nå dem jår, kåme wij hen in dat jår 600 A.K.T. Åwer in dem jår is nischt passijrt wat taum dauen hät mit God sij Regirung. Un nog, wij häwe saie dat, feel jåre nåheer as Jësus hijr upe ër wääst is, hai hät sägt dat dai soiwen tijdlang wäire nog ni forbij.

João: Ach jå, ik kan mij denke.

Carlos: Dårweegen, in der stel dat dat soiwen jår sin, dai soiwen tijdlang bedüüre air tijd wat sër feel länger duure däit.

João: Wofeel tijd?

Carlos: In Apocalipse bauk, wat gaud t’hooppasse däit mit Daniel bauk, däit oos helpe saie wolang as dai soiwen tijdlang duure daue. Dår däit wijse dat drai un air halw tijdlang sin 1.260 dåg.c Soo, soiwen tijdlang sin dat duwelt fon drai un air halw tijdlang. Dat bedüürt dat dat sin 2.520 dåg. Häst bet hijr forståe?

João: Jå, åwer ik häw ni forståe woo dit wijse däit dat God sij Regirung anfånge däit in 1914.

Carlos: Den, wiman’s dat beeter forståe. Öftens, in dai profesijr fone Bijbel, air dag kan bedüüre air jår.d Wen wij dit någåe, air dag taum air jår, dai soiwen tijdlang daue bedüüre 2.520 jår. Wen wij anfänge an tele fon 607 A.K.T. mit 2.520 jåre, kåme wij hen nå dem jår 1914.e Is dårweegen dat wij forståe dat 1914 is dat jår dat dai soiwen tijdlang anhule häwe un Jësus hät anfånge an regijre soo as Köönig in God is Regirung. Is gans klår dat set 1914, groot daile wat dai Bijbel al foiruutsäge däir oiwer dai lätst dåg passijrt sin.

João: Wat fon daile sin dat?

Carlos: Sai Jësus sijn wöör hijr in Mateus 24:7. Hai hät sägt wat passijre däir wen hai anfänge däir an regijre im himel. Hai hät sägt: “Weegen gëgend däit sich stele gëgen anerd gëgend un regirung gëgen regirung; eetwår wart knap un ërschütlen in aine stel nåne ande.” Häst duu saie dat Jësus sägt hät dat in dëse tijd ërschütlen wäir un dat eeten wäir knap? Sin ni dës daile wat wij saie daue passijre in dai lätste huunerd jår?

João: Is wirklig wår.

Carlos: In dës spruch, Jësus hät uk sägt dat krijgs passijre däire in der tijd woo hai al Köönig wäir in God sij Regirung. Un Apocalipse bauk däit säge dat dat ni sin bloos klain krijgs, åwer dat sin krijgs wat dai gans wild inneeme daue in dai tijd fom ën.f Kast duu dij denke wonair wääst is dat Airst Wild Krijg?

João: Is wääst in 1914, dat selwig jår dat’s duu säge däist dat Jësus anfånge hät an regijren! Ik har dår nij ais oiwergrüüwelt.

Carlos: Wen wij ales dit t’hoopsaie, dai profesijr oiwer dai soiwen tijdlang un dai andrer profesijrs ine Bijbel oiwer dai tijd fom ën, ales wart gans klår. Jehovaas Tüügen daue glööwe dat Jësus anfånge hät an regijren in God sij Regirung in 1914 un dat dai lätste dåg häwe anfånge in dem selwig jår.g

João: Ik mut mij wirklig anstrenge taum dit ales forståe.

Carlos: Dat is soo. Soo as ik dij sägt häw, tau mij is uk ni licht wääst dit forståen. Åwer ik wil dat dit wat wij fortelt häwe dij helpe däit forståe dat, dat wat Jehovaas Tüügen glööwe daue fone Bijbel kümt, lijkerst wen dit jår 1914 ni ine Bijbel sreewe woore is.

João: Jå, ik häw al ümer saie dat, kan sin wat fon dail is, jij daue ümer fone Bijbel neeme dai daile wat jij inlëre daue, ni juuch aigen gedanke. Åwer öftens, dau ik mij fråge: Woweegen sin wek daile soo swår taum forståen? Woweegen hät God ni rinersreewe ine Bijbel dat dat jår 1914 wäir dat jår woo Jësus anfänge däir an regijren im himel?

Carlos: Is air gaud dail wat’s duu fråge däist, João. Is wår, feel daile ine Bijbel sin ni licht taum forståe. Åwer, woweegen mag God dat soo måkt häwe, dat dai Bijbel soo sreewe ware däir dat wij oos anstrenge müste taum dai forståen? Wij koine dåroiwer fortele dai anerd mål dat ik hijr henkåme dau.

João: Kan sin. Sër gaud soo.