Häw feel taum måken in der “lätste dåg”

1. Woweegen häwe wij sicherhët dat wij ine “lätste dåg” leewe daue?

WEN’S duu geboore büst nå 1914, den häst duu ümer ine “lätste dåg” leewt. (2 Tim 3:1) Jësus hät fortelt oiwer feel daile wat ine lätste dåg passijre däire, soo as: krijg, hungersnood, ërschütlen, krankhëte, dat wat gëgen dai lei is däir oiwerhand neeme un dai wat Jësus någåe däire feel pruiwen doirsete. (Mat 24:3, 7 bet 9, 12 un Luc 21:10 bet 12) Wij ale daue saie dat dës daile wirklig passijre daue. Wij daue uk saie dat dai lüür sich anstele daue grår soo as dai apostel Paulo sreewe hät. (Lees dai tåfel “Woo daue dai lüür sich hüüt anstele?”) Jehovaas Tüügen häwe sicherhët dat wij ine “lätste dåg” leewe daue. (Miq 4:1)

2. Wat fon frågen muite wij antwoore?

² Feel tijd is forbij gåe set 1914 an, dårweegen daue wij nuu in dat ën fon dai “lätste dåg” leewe. Dat dai ën al nöörg is muite wij frågen mit groote wërd antwoore, soo as: Wat fon daile passijre in dat ën fon dai “lätste dåg”? Airer as dat passijre däit wat wil Jehovaa dat wij måke schåle?

WAT DÄIT PASSIJRE IN DAT ËN FON DAI “LÄTSTE DÅG”?

3. Soo as in dai profesijr fon 1 Tessalonicenses 5:1 bet 3 stäit, wat daue dai regirungs bekandmåke?

³ Lees 1 Tessalonicenses 5:1 bet 3. Paulo hät fortelt oiwer “Jehovaa sij dag”. In dës spruch “Jehovaa sij dag” bedüürt ain tijd wat anfänge däit wen Babilon dai Groot, wat dai falsch religion bedüürt, uutrot wart un wat taum sluss kümt mit dai Armagedom krijg. (Apo 16:14, 16 un 17:5) Ain kord tijd airer as dës tijd anfänge däit, daue dai regirungs “freere un sicherhët” bekandmåke. Wen gëgende sich gaud inenaner sin, koine dai wat regijre maine dat sai “freere un sicherhët” häwe.b Åwer dat wat dai Bijbel sägt oiwer wen dai “freere un sicherhët” bekandmåkt wart, is gans aners. Woweegen? Weegen wen dit passijre däit feel daue maine dat dai wat regijre daue måkt kreege häwe dat dai wild beeter woore is un dat dai lüür in freere leewe koine. Åwer dat wat passijre däit is gans aners, den däit dai “groot nood” anfänge un mit ais kümt “dat uutroten”. (Mat 24:21)

4. (a) Oiwer “freere un sicherhët” bekandmåke, wat fon daile daue wij al waite? (b) Wat fon daile daue wij nog ni waite?

⁴ Wek daile oiwer wosoo dat “freere un sicherhët” bekandmåkt wart daue wij al waite, åwer andrer daile nog ni. Wat wij al waite is: Wij döre ni denke dat dai wat regijre daue wirklig freere ine ganse wild bringe koine. Åwer wij waite ni woweegen dai regirungs dat bekandmåke daue un wosoo sai dat måke daue. Wij waite uk ni of dat bloos ain bekandmåken is urer feel, ain nå dem anerd. Den, wen “freere un sicherhët” bekandmåkt wart koine wij sicherhët häwe dat “Jehovaa sij dag” bald anfänge däit!

5. Soo as stäit in 1 Tessalonicenses 5:4 bet 6 wat muite wij måke airer dat “Jehovaa sij dag” kåme däit?

⁵ Lees 1 Tessalonicenses 5:4 bet 6. Wat Paulo sreewe hät in dës sprüüch wijst oos wat muite wij måke airer as “Jehovaa sij dag” kåme däit. Wij döre ‘ni slåpe soo as dai andrer. Wij muite wåken blijwe’. Soo as, wij muite oos uppasse taum nij ais oos formische mit dai politik ine wild. Wen wij oos mit dës daile formische daue, daue wij ni mër bloos God sij Regirung bijståe un koine wij anfänge “tau dai wild tauhööre”. (João 15:19) Wij waite al dat bloos God sij Regirung kan dai freere ine ganse wild bringe.

6. Womit muite wij dai andrer helpe un woweegen?

⁶ Wåkt blijwe is ni naug. Wij muite dai andrer helpe lëre oiwer dat wat dai Bijbel sägt dat mit dai wild passijre däit in dai tijd wat nog kümt. Wij muite dat nuu måke, weegen nå dai groot nood anfänge wart tau spår sin taum dai lüür anfänge Jehovaa daine. Dårweegen is soo nöörg nuu preege!c

HÄW ÜMER FEEL TAUM MÅKE INE PREEGARBËD

7. Wat wil Jehovaa dat wij måke schåle?

⁷ Dat Jehovaa sijne “dag” dicht raner is, hai wil dat wij feel ine preegarbëd måke. Wij ale muite ‘ümer feel taum måken häwe up dem Her sijm arbëd’. (1 Cor 15:58) Jësus hät uk dåroiwer fortelt as sägt hät daile mit groote wërd wat passijre däire in der lätste dåg. Hai hät sägt: “Un nog, dai gaure nijges muite airste in al dat land preegt ware.” (Mar 13:4, 8, 10 un Mat 24:14) Denk hijr an: Jërer mål dat’s duu nam preegarbëd gäist, däist duu mithelpe dat dat wat Jësus oiwer der preegarbëd sägt hät passijre däit.

8. Wosoo däit dat preegarbëd mithelpe dat mër lüür Jehovaa horge daue?

⁸ Däit dat preegarbëd mër lüür mithelpe Jehovaa horge? Jå! In 1914 wäire bits mër as 5 duusend lüür wat preege däire in 43 gëgende. Hüüt sin mër as 8 miljone lüür wat preege daue in 240 gëgende. Åwer dat preegarbëd is nog ni al. Wij muite bijblijwe taum dai lüür säge dat God sij Regirung dai ainsig is wat dai problems fone wild int raich bringe kan. (Sal 145:11 bet 13)

9. Woweegen muite wij bijblijwe preege?

⁹ Woo feel tijd häwe dai lüür nog taum Jehovaa God un Jësus Kristus kene? (João 17:3) Wij waite ni. Wij waite bloos dat bet dai groot nood anfänge ‘ale dai wat dat leewend up ümer häwe wile koine dai gaure nijges anneeme. Den, wij daue bloos anhule preege wen Jehovaa säge däit dat dai arbëd uut is. (Atos 13:48) Airer as dat tau spår is, wosoo koine wij dai lüür helpe?

10. Wat fon twai hülps giwt Jehovaa oos dat wij dai lüür inlëre daue?

¹⁰ Jehovaa doir sij gemaind giwt oos ales wat wij bruuke dat wij taum dai lüür preege daue. Wosoo däit Jehovaa oos helpe? Doir dai forsamlung wat wij mir ine week häwe daue. Dës forsamlung däit oos inlëre wosoo preege, dai lüür werer besuike un eer dai Bijbel inlëre. Wij häwe uk dai Hülps taum inlëren. Wosoo däit dat oos helpe? Dai helpt oos . . .

• anfänge fortele

• dai lüür nijglig låte

• dai lüür helpe mër lëre wile

• dai Bijbel inlëre

• oos site wijse un taum oos forsamlung nööge

Denke man’s an dat’s duu tau aim preegt häst wat mër oiwer dai Bijbel lëre wil. Wen’s duu dai ain blad urer bauk geewe däist, kan dai dat leese bet’s duu dai werer besuike däist. Wat kast duu dårmit lëre? Bloos dës hülp häwe is unnüte wen wij dai ni benutse daue. Dårweegen jërer ainsig fon oos mut sich anstrenge taum feel upm preegarbëd måke jërer månat un dës hülps benutse.d

11. Wat fon anerd hülp hät Jehovaa oos geewt taum dai lüür inlëre?

¹¹ Jehovaa hät oos anerd hülp geewt, dai Bijbelstuun ine internet. Jërer månat sër feel lüür ine ganse wild daue wat ine internet suike taum oiwer dai Bijbel lëre. Mit dës bijbelstuun kan dai mësch dai haupte daile fone Bijbel lëre. Wek fon dës lüür mage ni gërn sich hensete taum dai Bijbel lëre mit air mësch. Wen dat soo is, wijs dem mësch dës bijbelstuun ine internet urer dau em air link schike.e

12. Wat kan dai mësch lëre in dai bijbelstuun ine internet?

¹² Dai bijbelstuun ine internet fortelt oiwer daile soo as dës: “Fon wem kümt dai Bijbel?”, “Dai bekand lüür fone Bijbel” un dat “Wat dai Bijbel sägt oiwer ain gaur tijd wat nog kümt”. In jërer ain fon dës daue wij daile lëre soo as:

• wosoo dai Bijbel aim helpe kan

• wee is Jehovaa, wee is Jësus un wee dai ängels sin

• woweegen hät God oos måkt

• woweegen is soo feel slechtigkët un nood

Dår in wart uk uutdüürt wosoo Jehovaa . . .

• dai dood un nood taum sluss bringe däit,

• dai doore werer upleewe däit un

• dai regirungs fone lüür uutrote däit un em sij Regirung upstele däit

13. Woweegen is beeter oos anstrenge taum oos mit dai lüür hensete un eer dai Bijbel inlëre?

¹³ Jësus hät oos oiwergeewt dai lüür dai Bijbel inlëre, dårweegen dai mësch sich hensete un mit oos dai Bijbel lëre is feel beeter as dai bijbelstuun ine internet. Dai bijbelstuun ine internet is måkt woore dat dai lüür mër lëre wile. Wen dat wat sai lëre daue eer gefale däit, kan sin dat sai sich hensete wile mit oos taum mër lëre. Dit däit wirklig passijre. Ine ganse wild, jërer dag, mër as 230 lüür forlange taum dai Bijbel mit oos lëre doir dai internet. Gans sicher, air sich hensete taum oos dai Bijbel inlëre, is feel beeter!

STRENG DIJ AN TAUM ANDRER INLËRE GOD HORGE

14. Soo as stäit in Mateus 28:19 un 20, wat muite wij måke? Woweegen hät dat soo’n groot wërd?

¹⁴ Lees Mateus 28:19 un 20. Soo as in dës sprüüch stäit, wat bedüürt “jüngers måke” un ‘eer inlëre taum horge al dai daile wat Jësus ordnung geewt hät’? Bedüürt dat wen wij oos hensete daue taum air mësch dai Bijbel inlëre, daue wij dai mithelpe måke dat wat dai lëre däit, sich anbaire tau Jehovaa un sich tauwe låte. Wij muite dës lüür helpe forståe dat Jehovaa horge un em sij Regirung bijståe, groote wërd hät, weegen bloos soo koine sai rert ware wen Jehovaa sijne dag kümt. (1 Ped 3:21)

15. Wotau häwe wij kain tijd mër un woweegen?

¹⁵ Dat ën is sër näig an, dårweegen muite wij preege tau dai wat ni höört häwe oiwer God sij Regirung. (1 Cor 9:26) Nuu is kain tijd mër tau inlëre dai lüür wat sich ni anstrenge wile taum nå dai Bijbel leewe un Jehovaa God horge.

BLIJW WIJDAF FON DAI FALSCH RELIGION

16. Soo as stäit in Apocalipse 18:2, 4, 5 un 8, wat muite wij ale måke? (Lees dai nåt.)

¹⁶ Lees Apocalipse 18:2, 4, 5 un 8. Dës sprüüch wijse wat Jehovaa wil dat wij måke schåle. Wij ale muite gans klår wijse dat wij ni tauhööre daue taum Babilon, dai Groot. Kan sin dat airer as dai Bijbel lërt hät, air mësch tauhööre däir taum ain falsch religion, nam kirch güng, daile fon dai kirch måke däir un sogår gild geewe däir. Åwer wen air wat dai Bijbel lëre däit anfänge wil preege t’hoop mit dai andrer, ån tauwt sin, airst mut dai gans un går fon dai falsch religion ruutergåe. Dai mut ain braif srijwe woo hai säge däit dat ni mër tauhööre däit taum dai kirch woo hai hengüng urer wat måke wat wijse däit dat ni mër tauhööre däit taum dai kirch. Dai mut dai selwig dail måke wen tauhööre däit taum ain grup wat besägen hät mit Babilon, dai Groot.f

17. Wat fon sort arbëd döre wij ni anneeme un woweegen?

¹⁷ Wij muite sicherhët häwe dat oos arbëd nischt besägen hät mit Babilon, dai Groot. (2 Cor 6:14 bet 17) Soo as, wij däire nij ais taum ain kirch arbëre. Lijkerst wen wij taum aine schef arbëre daue, wij däire nij ais aine arbëd anneeme in ain stel wat besägen hät mit dai falsche religione. Un wen wij oos aigen geschäft häwe, wij däire nij ais arbëd suike in ain stel wat besägen hät mit Babilon, dai Groot un uk nij ais anneeme ain arbëd wat sai oos anbaire daue. Woweegen muite wij in dës daile soo stram sin? Weegen dës stele sin ni rëgen taum God. Wij wile ni mitmåke in eer süün un uk ni in dat wat sai måke daue. (Isa 52:11)g

18. Wosoo hät air braurer weese dat in em sijne arbëd hai leewe däir nå dat wat dai Bijbel inlëre däit?

¹⁸ Air ülst har sin aigen geschäft, hai däir mitm hult arbëre. Jåre trööguut wul air kërl dat hai wat taum dai kirch måke schul. Dai kërl wüüst al dat dai ülst ni anneeme däir ane kirche arbëre, åwer wäir sër nöörg dat air dat arbëd måke däir. Nog soo, dai ülst hät ni aners dacht. Hai is bijbleewe leewe nå dat wat dai Bijbel inlërt un hät ni dai arbëd annåme. Anerd week wäir aine bijld fon anerd mësch wat mitm hult arbëre däir ine jornal, hai däir aine krüüts ane kirch anmåke. Den, wen oos braurer dat arbëd annåme har, kan sin dat hai in dere bijld wäir. Dau man’s denke an wosoo dat em sijne ümgang mit dai bruirers un swesters schåre küün. Denk uk an wosoo Jehovaa sich befuune har.

WAT HÄWE WIJ LËRT?

19-20. (a) Wat häwe wij lërt bet nuu hen? (b) Wat fon frågen daue wij in dai anerd lëren antwoore?

¹⁹ Wat häwe wij lërt bet nuu hen? Wij häwe lërt dat dai Bijbel wijst dat bald dai tijd raner kåme däit woo dai regirungs säge daue “freere un sicherhët”. Åwer bloos Jehovaa kan freere un sicherhët bringe. Den, wat muite wij måke airer as dit passijre däit un airer as dat uutroten mit ais kümt? Jehovaa wil dat wij feel upm preegarbëd måke un andrer helpe sich tau em anbaire un sich tauwe låte. Un nog mër, wij muite wijdaf blijwe fon dai falsch religion. Dårtau mut man klår wijse dat wij ni mër tau dai kirch tauhööre un oos sicher sin dat oos arbëd nischt besägen hät mit dai falsch religion.

²⁰ Sin nog andrer daile wat passijre daue in dat ën fon dai “lätste dåg”. Wat fon daile sin dat? Jehovaa wil dat wij andrer daile måke schåle. Wat fon daile sin dat? Un wat muite wij måke airer as dat passijre däit? In dai anerd lëren daue wij dës frågen antwoore.