Wosoo kast duu dai dün bauk un dai bauk “Leew up ümer lustig!” benutse?

Is sër gaud dat wij ain nijg dün bauk un ain bauk häwe taum dai Bijbel tau dai lüür inlëre! Gewiss daue wij tau Jehovaa beere dat hai oos seegne schal solang as wij oos anstrenge daue taum mër jüngers måke. (Mat 28:18 bet 20, 1 Cor 3:6 bet 9) Wosoo koine wij dës nijg buiker benutse?

Dai moor woo wij dai Bijbel inlëre doir dës nijg buiker wart bits aners sin as wij al gewoont wäire. Wen’s duu dij inrichte däist un wen’s duu ain bijbelstuun hule däist, måk soo as hijr stäit:a

• Dau t’hoop mit dai mësch leese wat dår stäit un dau dai frågen måke taum mit dai mësch dåroiwer fortele

• Dau mit dai mësch dai sprüüch leese wat “Lees” stäit, un dau dai mësch helpe forståe wosoo daue dai sprüüch t’hooppasse mit dat wat jij lëre daue

• Dau dai videos wijse un dai frågen måke taum oiwer dai videos fortele

• Forsuik’as dai gans kapitel lëre in jërer bijbelstuun

Upm preegarbëd, dau dai dün bauk anbaire taum ruuterfijne wen dai mësch wirklig studijre wil. (Ine sijr 16, kijk dai tåfel “Dai moor woo’s duu dai dün bauk “Leew up ümer lustig!” anbaire kast dai airst mål wat’s duu tau aim preege däist”.) Wen’s duu dai gans dün bauk mit dai mësch studijrt häst, un dai mësch wijrer lëre wil, dau dai bauk dai mësch geewe, un fäng an dai kapitel 04. Wen’s duu al mit air mësch oose andrer buiker urer dün buiker studijre däist, tuusch dai üm up “Leew up ümer lustig!”. Duu bruukst ni in dai kapitel 01 anfänge. Duu kast uutsuike wat fon kapitel däit beeter passe mit dai mësch woo’s duu dai Bijbel inlëre däist.

KIJK DAI VIDEO “WOO GAUD DAT’S DUU DAI KURS FONE BIJBEL ANFÄNGE DÄIST!”. NÅHEER, DAU ANTWOORE:

• Wat daue dai lüür mit dai nijg bauk lëre?

• Woweegen is gaud dës video wijse tau dai wat anfänge daue dai Bijbel lëre?

• Wat must duu dai mësch taureere måke wile un måkt krijge? (Kijk ine sijr 16 “Oiwerste daile taum grüüwle un wat dai mësch måke kan”.)