Wat kast duu måke dat dai forsamlung tau dai preegarbëd gaud wart?

Soo as dai andrer forsamlunge wat wij ine gemaind häwe, dai forsamlunge tau dai preegarbëd sin uk ain geschenk wat fon Jehovaa kümt, dat wij air der andrer koråsch geewe koine. (Heb 10:24, 25) Dës forsamlunge muite in 5 bet 7 minuute lang måkt ware. Dit bedüürt dat in dës tijd lang, mut dai braurer säge wat hai trecht måkt hät, uutsuike wee mit dai anerd t’hooparbët, säge up wat fon stel sai arbëre daue un dai gebeed måke. (Wen dës forsamlung nå ain forsamlung ine gemaind måkt wart, dai mut nog rascher måkt ware.) Dai wat lenke däit, mut air dail säge wat dai bruirers un swesters glijk in dere dag al måke koine. Soo as, am sunåwend, wen feel wat upm preegarbëd kåme, häwe ni in dai week oiwer preegt kreege, wöör gaud bloos wijse wosoo sai preege koine. Wat fon andrer daile koine sägt ware?

• Ain stük fon “Wosoo koine wij oiwer dai Bijbel fortele?” in oos “Bläärer taum dij lëre helpe”

• Wosoo air dail benutse wat in dai gëgend passijre däit, taum anfänge mit air mësch fortele

• Wosoo wij antwoore koine wen air ni mit oos fortele wil

• Wosoo wij antwoore koine air mësch wat ni an God glööwt, air wat maine däit dat ales alaine upkåme is, air wat anerd språk fortelt, urer air wat tau ain religion tauhöört wat ni soo bekand is in dai gëgend

• Wosoo air dail in jw.org, in JW Library^® urer ine Bijbel benutse

• Wosoo air dail benutse fon oos Hülps taum Inlëren

• Wosoo andrer daile upm preegarbëd måke soo as doir telefon preege, braife srijwe, preege in stele woo feel lüür sin, werer dai lüür besuike un bijbelstuune hule

• Dai bruirers un swesters andenke helpe daile wat gefärlig koine sin, wosoo fornünftig sin, wosoo an gaure daile denke urer andrer daile

• Ain kapitel urer video fon dai dün bauk “Duu kast beeter leese un inlëre”

• Wosoo koråsch geewe un dai mësch mithelpe wat t’hoop mit oos arbërt

• Ain spruch wat t’hooppasst mit dai preegarbëd urer air dail wat air braurer urer ain swester upm preegarbëd beleewt hät, wat koråsch giwt