Help dai wat’s duu dai Bijbel inlërst taum gaure ümgang häwe

Taum aine gaure ümgang mit God häwe, dai wat dai Bijbel lëre, muite gaud uutsuike mit wem sai sich t’hoophule daue. (Sal 15:1 un 4) Ümgang mit lüür häwe wat Jehovaa lijbe, kan dai mësch helpe taum måken wat richtig is. (Pro 13:20, Leew up ümer lustig! kapitel 48)

Åwer dau dij andenke, dat kan ni licht sin tau dai mësch ni mër ümgang häwe mit dai lüür wat ni Jehovaa dijne. Den, bruukst duu dai helpe. Wosoo kast duu dit måke? Wijs dat’s duu dij mit dai mësch bekümre däist ni bloos wen jij dai Bijbel t’hooplëre daue, dau dit up andrer stuune måke. Duu kast tau dai mësch telefonijre, ain beschaid henschike urer sogår dai besuike. Solang as dai mësch foirwärdsgäit, duu kast dai nööge taum t’hoop mit dij un andrer bruirers un swesters tijdfordrijwe. Soo, däit dai mësch saie dat nuu tauhööre däit taum ain groot familg. (Mar 10:29 un 30) Un duu däist mër lustigkët in dat preegarbëd häwe weegen duu häst air mësch hulpe Jehovaa dijne un tau em sij familg tauhööre.

KIJK DAI VIDEO “DAU HELPE DAI WAT’S DUU DAI BIJBEL INLËRE DÄIST TAUM - GAURE ÜMGANG HÄWE”. NÅHEER, DAU ANTWOORE:

• Wosoo sin dai lüür wat slechte ümgang sin? (1 Cor 15:33)

• Wat hät Jade dacht as Rita fortelt hät oiwer sich tijdfordrijwe mit dai bruirers un swesters?

• Wat hät Rita måkt taum Jade helpe gaure ümgang häwe?