Wosoo kast duu helpe wen air unglük passijrt?

Jërer jår daue ümer düler unglük passijre upe ganse wild. Wen dat passijrt, ales mut in ordnung sin taum der lüür mithelpe. Dårweegen, dai Grup Kërls wat Jehovaa sijne arbëd lenkt hät sägt dat jërer Betel schul wek lüür häwe taum dårmit arbëre.

Wen dës bruirers waiten krijge dat air unglük passijrt is, sai daue glijk mit dai ülster fon dai gëgend fortele taum waite wat fon sort hülp dai bruirers un swesters dår bruuke. Wen dai bruirers un swesters fon dai gëgend krijge sich ni dårmit alaine drëgt, Betel däit wek bruirers uutsuike taum dësem arbëd foirwärtslenke. Sai koine forlange dat bruirers un swester kåme daue taum mithelpe urer dat wek daile dårtau geewt ware. Kan sin, sai daue wek daile kööpe un dat tau dai bruirers un swester indaile.

Soo måke däit wat gaures ruutergeewe: dai lüür daue ni dai neemlig daile måke, daue ni sich air der ande forstööre, un wënig gild un daile ware forbruukt. Åwer dat passijrt ni wen dai bruirers un swester forsuike dai andrer alaine helpe.

Dai bruirers wat Betel uutsöcht hät daue uutsuike wofeel lüür daue dår mithelpe un wofeel gild forbruukt wart. Sai koine uk fortele mit dai wat tau dai regirung arbëre, oft daue sai oos helpe dat dai arbëd rascher måkt wart. Den, bruirers un swesters wen jij ni nöögt woore sin, daut kair gild samle, daut nischt henschike un daut ni henrëse nå ain stel woo air unglük passijrt is.

Wij lijbe oos bruirers un swesters, dårweegen wile wij eer mithelpe wen air unglük passijrt. (Heb 13:16) Den, wat kan man måke? Dat haupt is beere oiwer dai wat dai unglük doirset häwe un oiwer dai wat dår mithelpe daue. Wij koine uk gild geewe taum oose arbëd upe ganse wild mithelpe. Dai Grup Kërls wat Jehovaa sijne arbëd lenkt helpt dai Betels dat dës gild gaud benutst wart. Wen’s duu dai bruirers un swesters mithelpe wilst wat air unglük doirset häwe, dau dat blad fulsrijwe “Petição para Voluntário do Departamento Local de Projeto/Construção” (DC-50).

KIJK DER VIDEO “GROOTE REEGEN HÄWE FEEL DAILE FORÅST IN BRASIL”. NÅHEER, DAU ANTWOORE:

In 2020, Jehovaas Tüügen häwe dai lüür mithulpe wat air unglük doirset häwe in Brasil. Wat häwe sai måkt wat dij dülst gefale häst?