DAU SOO LEEWE AS JËSUS
Papa un mama: daut juuch kiner helpe dai klaukhët fon God krijge
Jërer papa un mama mut sijn kiner helpe dai klaukhët fon God krijge, dårtau koine papa un mama eer kiner inlëre wosoo sai beeter lëre koine upe forsamlung. Dai juugende koine oiwer Jehovaa lëre un gaur ümgang mit em häwe doir dat wat sai saie, hööre un antwoore upe forsamlung. (Deut 31:12 un 13) Wen’s duu papa urer mama büst, wosoo kast duu dijn kiner helpe dat sai beeter lëre koine upe forsamlung?
Daut juuch anstrenge taum upe forsamlung hengåe woo wij oos forsamle daue, un ni bloos doir internet kijke. (Sal 22:22)
Airer urer nå dai forsamlunge, fortelt mit dai bruirers un swesters. (Heb 10:25)
Måkt dat jërer ainsig fon juuch familg sijn aigen buiker häwe koine wat upe forsamlung lërt ware. Dai koine upe papijr sin urer in dai celular urer tablet.
Helpt dijn kiner sich trechtmåke taum wat uutm kop antwoore upe forsamlung, un ni bloos dai antwooren leese. (Mat 21:15 un 16)
Daut gaud rere oiwer dai forsamlung un oiwer wat dår inlërt wart.
Daut juuch kiner taurere dai forsamlung stel rëgen måke helpe un mit dai bruirers un swesters fortele wat al üler sin ine gemaind.
Der kiner inlëre gaure ümgang mit Jehovaa häwe is ni ainfach. Jij muite juuch dårtau anstrenge un dat kan juuch öftens muir låte. Åwer, Jehovaa is bij juuch un wil juuch mithelpe dat jij dat måkt krijge. (Isa 40:29)
KIJK DER VIDEO “PAPA UN MAMA, DAUT JUUCH UP JEHOVAA FORLÅTE UN UP DAI KRAFT WAT FON EM KÜMT”. NÅHEER, DAU ANTWOORE:
Wat is passijrt mit dem braurer un mit dai swester dat sai muir wäire?
Woweegen muite dai papa un mama Jehovaa sijn hülp forlange?
Wosoo häwe dai papa un mama weese dat sai sich up Jehovaa forlåte däire?