Hät dai wårhët nog wërd?

Däist duu saie dat hüütsendåg is ni licht waite wat is loigen un wat wirklig wår is? Dai lüür daue dai daile fortele weegen dat wat sai glööwe, forneeme un maine daue un forsuike ni waite wat wirklig passijrt is. Upe ganse wild sin lüür wat maine dat kain wårhët mër geewe däit.

Lüür fone früüsche tijd däire uk soo denke. 2 duusend jåre trööguut, Pôncio Pilatos, air mësch wat regijre däir, hät tau Jësus frågt: “Wat is dai wårhët?” (João 18:38) Pilatos wul ni dai antwoord waite. Åwer dai fråg wat hai måkt hät har feele wërd. Dai Bijbel däit dës fråg antwoore un wat dår stäit kan dij helpe waite wat wirklig wår is un wat loigen sin.

Giwt dat ain wårhët?

Jå. Ine Bijbel dat woord “wårhët” bedüürt daile wat richtig sin un wat wirklig passijrt sin. Ine Bijbel stäit dat dai wårhët kümt fon Jehovaaa God un dat hai dai “God fone wårhët is”. (Salmo 31:5) Den, ine Bijbel fijne wij dai wårhët wat fon God kümt. Dës wårhët is soo as ain licht wat helpt oos forståe of air dail wirklig wår is urer ni. (Salmo 43:3 un João 17:17)

Wosoo kast duu dai wårhët fijne?

God wil ni dat wij dai wårhët fone Bijbel anneeme ån dåroiwer denke. Wen wij wat ine Bijbel leese, God wil dat wij dåroiwer grüüwle un ni dat wij dat anneeme bloos weegen dat wat wij forneeme daue. (Romanos 12:1) God wil dat wij oos gedanke benutse taum em gaud kene un em lijbe. Hai sägt dat wij sicherhët häwe muite dat dat wat wij ine Bijbel lëre wirklig dai wårhët is. (Mateus 22:37 un 38 un Atos 17:11)

Fon woo sin dai loigen heerkåme?

Ine Bijbel stäit dat dai airst wat loigen fortelt hät is Satan, dai Düüwel, wääst un dårweegen sägt dai Bijbel hai is “dai fåter fone loigen”. (João 8:44) Dai Düüwel hät loigen fortelt tau Adam un Eva un bet hüüt hen däit Satan loigen braid dråge oiwer God. (Gênesis 3:1 bet 6, 13 un 17 bet 19 un 5:5) Hai wil ni dat dai lüür dai wårhët oiwer God waite. (Apocalipse 12:9)

Woweegen giwt dat sofeel loigen in oos tijd?

Dai Bijbel sägt wij leewe in dai “lätste dåg” fon dës slechte wild, dårweegen däit dai Düüwel dai lüür bedraige soo’s nij ais. Hüütsendåg dai mëste lüür daue loigen fortele taum dai andrer bedraige un wat dårmit krijge. (2 Timóteo 3:1 un 13) Sogår dai mëste kirche daue loigen inlëre. Dai Bijbel hät foiruutsägt dat in oos tijd dai religionschefs däire daile inlëre bloos taum dai lüür gefale un dat dai lüür däire den uutsuike ni mër dai wårhët hööre. (2 Timóteo 4:3 un 4)

Woweegen hät dai wårhët feele wërd?

Dat wij oos up dai andrer forlåte koine, wij ale muite dai wårhët säge. Wen wij dat ni soo måke, krijge wij kain ümgang mit dai andrer häwe un wart ümer slechter in dës wild leewe. Ine Bijbel stäit God wil dat wij em horge schåle doir dai wårhët wat dai Bijbel inlërt. Dai Bijbel sägt: “Dai wat [God] anbeere, muite em anbeere doir em sijn gaist un wårhët.” (João 4:24) Taum saie wosoo as dai wårhët fone Bijbel dij mithelpe kan waite of air dail wat dai kirch inlërt wirklig wår is, lees dai artikels “Mentiras que afastam as pessoas de Deus”.

Woweegen wil God dat’s duu dai wårhët waite däist?

God wil ni dat’s duu uutrot ware däist, åwer dat’s duu rert warst. Dårtau must duu dai wårhët oiwer em lëre. (1 Timóteo 2:4) Wen’s duu lëre däist wat God maint richtig un forkërd is un dårnå leewe, den kast duu ain gaur ümgang mit em häwe. (Salmo 15:1 un 2) God hät Jësus hijr upt ër schikt taum dai lüür helpe dai wårhët lëre. God wil dat wij ales horge wat Jësus inlërt hät. (Mateus 17:5 un João 18:37)

Däit God dai loigen almåke?

Jå. Gefült God ni wen dai lüür dai andrer bedraige daue. Hai däit ale dai uutrote wat loigen wijrer fortele wile. (Salmo 5:6) God hät forspråke dat dai wat dai wårhët säge daue up ümer leewe. (Provérbios 12:19)