Fon woo is God heerkåme?

Denk an air papa wat fortelt mit sij klair jong wat 7 jåre hät. Hai däit soo säge tau sij klair jong: “Feel tijd trööguut God hät dai Ër måkt un ales wat up eer is. Hai hät uk dai sün, dai mån un dai stërne måkt”. Nådem dat dai klair jong denke däit, hai däit fråge: “Papa, fon woo is God heerkåme?”

“God kümt fon kain stel heer”, sägt dai papa. “Hai is al ümer wääst.” Tau air klair jong bits säge is naug. Åwer mite tijd, as hai groot ware däit, hai blijwt bijm sich dat fråge. Hai krijgt ni forståe woo dat sin kan dat ain mësch is al ümer wääst. Ales wat geewe däit is fon ain stel kåme heer urer hät ain anfang hat. Den, hai däit sich fråge: “Fon woo is God kåme heer?”

Wat sägt dai Bijbel dåroiwer? In pår wöör koine wij säge dat dai Bijbel sägt neemlig soo as dai papa sägt hät tau sij jong. Moisés hät soo sreewe: “Ach Jehovaa, . . . airer as dai bärg geboore ware urer airer as duu anfånge häst dai Ër un dai gaur land måke, jå, fon ümer un up ümer büst duu God.” (Salmo 90:1 un 2) Dai profët Isaías hät uk sägt: “Häst duu dat ni höört? Jehovaa, dai wat wijdst stel fone ër måkt hät, is God for al tijd.” (Isaías 40:28) Un neemlig soo, Judas in sijn braiw sägt uk dat God ümer al wääst is “fon al dai tijd wat forbij gåe is”. (Judas 25)

Dës sprüüch daue oos wijse dat God is köönig up ümer, soo as Paulo sreewe hät. (1 Timóteo 1:17) Wat bedüürt dat? Dau denke an dai tijd trööguut wen nog nischt wäir; sogår up dës tijd God is al ümer wääst un hai up ümer geewe däit. (Apocalipse 1:8) Den, dat God ümer al wääst is, dat däit genau wijse, dat hai dai gans kraft hät.

Woweegen is dat ni licht taum forståe? Weegen oos leewend is sër kord un dat mökt dat wij dai tijd aners saie as Jehovaa süüt. Dat God up ümer is, air duusend jåre sin tau em soo as bloos aine dag. (2 Pedro 3:8) Wiman’s denke an ain sort haimke wat ales upfreete däit. Dës sort tijr, wen groot wart, däit bloos 50 dåg leewe. Den, küün dës sort haimke oos leewend forståe wat 70 urer 80 jåre lang duure däit? Gans sicher ni. Dai Bijbel sägt uk dat wij sin soo as haimke wen t’hoopmaint ware mit dai grötst wat oos måkt hät. Sogår God sij gedanke sin feel gröter as oose. (Isaías 40:22, 55:8 un 9) Den, wij schåle ni oos bewunre dat wek daile oiwer Jehovaa koine wij ni gans genau forståe.

Jå, dat is ni soo licht taum forståe. Åwer dat wirklig t’hoopstime däit dat God al ümer wääst is. Wen anerd mësch God måkt har, dës mësch wäir dai wat ales måkt hät. Åwer soo as dai Bijbel uutdüürt, is Jehovaa wääst wat ‘al dai daile måkt hät’. (Apocalipse 4:11) Un nog, wij waite dat ales wat upe Ër un ine himel is, sin måkt woore. (Gênesis 1:1 un 2) Fon woo sin dës daile heerkåme? Wee dës daile måkt hät, müst sin airer as dit ales. Hai müst uk sin sogår airer as sij Kind un dai ängels. (Jó 38:4, 7 un Colossenses 1:15) Den, is klår dat airer as hai anfänge dai daile måke, God is al alaine ümer wääst. Dårweegen kair küün God måke, weegen kair is al wääst airer as hai.

Dat wij hijr sin un dat dai Ër, dai himel un al andrer daile uk hijr sin, dat däit klår wijse dat wirklig geewe däit aine God wat up ümer is. Dat ales upe Ër un in himel in ordnung wäir, dai wat dai måkt hät müst airer sin. Bloos hai küün leewend geewe tau al dai andrer daile. (Jó 33:4)