Muite wij tauhööre tau ain religion?

Dai antwoord fone Bijbel

Jå, weegen God wil dat dai lüür sich forsamle taum em sijne wile måke. Dai Bijbel sägt: “Un bekümert juuch air mitm andrer taum koråsch geewe taum lijb häwe un gaure daile måke, un daut ni sinlåte juuch forsamle.” (Hebreus 10:24 un 25)

Jësus hät sägt dat sijn jüngers ain grup in ordnung wäire, as hai sägt hät: “Dårdoir ale ware waite dat jij mijn jüngers sin: wen jij lijb mank juuch häwe.” (João 13:35) Taum dit lijb wijse Kristus sijn jüngers müste sich t’hoop forsamle. Sai däire sich ümer t’hoop forsamle ine gemaind taum God sijne wile måke. (1 Coríntios 16:19) T’hoop, sai wööre ain familg mit bruirers un swesters ine ganse wild. (1 Pedro 2:17)

Is ni naug bloos tauhööre tau ain religion

Dai Bijbel sägt dai lüür muite sich forsamle taum God sijne wile måke, åwer dai Bijbel däit ni inlëre dat air mësch God sijne wile mökt bloos wen dai tauhöört tau ain religion. Taum God gefale is nöörg dat dai religion dem mësche sijn leewend mithelpe däit. Dårweegen, dai Bijbel sägt: “Dai religion wat rëgen un åne fëgel is nå oos God un Fåter sijn mainung is dës: dai wat åne papa un mama sin un dai witfruuges in eer swårhëte uppasse, un sich åne drek fone wild hule.” (Tiago 1:27)