Wek lüür maine dat ni licht is God lijbe, weegen sai denke hai däit eer ni forståe, däit sich ni bekümre un is sogår slecht. Sai wek daile wat wek lüür sägt häwe:

• “Ik däir tau God beere taum hülp forlange, åwer dat wäir soo as wen hai mij ni hööre däir. Tau mij, hai wäir bloos ain kraft wat nischt forneeme däir.” - Marco, Itália.

• “Ik wul God gërn dijne, åwer dat däir soo låte as wen hai sër wijdaf wäir fon mij. Ik däir maine God wäir streng un däir gërn dai lüür stråfe un har kain barmhärtsigkët.” - Rosa, Guatemala.

• “As ik klain wäir ik däir denke God däir bloos nå der lüür eer fëgels suike taum dai stråfe. Spåre hen, däir ik maine God däir sich ni bekümre. Ik däir denke hai däir dai lüür regijre ån sich wirklig bekümre oiwer eer.” - Roberta, Canadá.

Wat däist duu maine? Is God wërd dat wij em lijbe daue? Dai kristen daue sich dit fråge feel jåre lang. Tüschen dai jåre 500 bet 1500 dai mëste kristen däire gåe ni mër beere tau dem Almächtige God. Woweegen? Weegen sai hare groot angst for em. Dai uutstudijrt kërl Will Durant hät soo sägt: “Air süündig mësch hät kain koråsch taum beere tau soo’ne slechte God un wat soo wijdaf is.”

Woweegen daue wek lüür dit denke? Wat däit dai Bijbel wirklig lëre oiwer God? Kan dij dat helpe God lijbe wen’s duu dai wårhët oiwer em lëre däist?

WAT DAUE FEEL LÜÜR GLÖÖWE?

“Wij häwe kain sicherhët of wij God sijne nåme benutse muite urer ni. Un wat fon dai nåme is.” - Schaullërer David Cunningham (Theological Studies, up englisch).

WAT SÄGT DAI BIJBEL?

God sägt: “Ik bün Jehovaa. Dit is mij nåme.” (Isaías 42:8) Jehovaa is air nåme in hebraico wat bedüüre däit “Hai mökt dat wat ware däit.” (Gênesis 2:4, nåt.)

Jehovaa wil dat wij sijne nåme benutse. Dai Bijbel sägt: “Daut dijne nåme anraupe, Måkt dat bekand wart mank dat folk ales wat hai måkt hät! Daut preege dat sij nåme dai oiwerst is.” (Isaías 12:4)

Jësus däir God sijne nåme benutse. Hai däir oiwer sijn jüngers fortele un hät sägt in air gebeed tau Jehovaa: “Ik häw dijne nåme bekandmåkt un dau bijblijwe der bekandmåke.” Woweegen hät Jësus God sijne nåme bekandmåkt tau sijn jüngers? Hai sägt nog: “Dat mit dem lijb woo’s duu mij mit lijbt häst in eer is un ik in ainigkët mit eer bün.” (João 17:26)

WOWEEGEN HÄT DIT GROOTE WËRD?

“Dai mësch wat God sijne nåme ni kene däit, däit em gans sicher ni kene soo as hai is, un wen dai God kene däit bloos soo as ain kraft wat nischt forneeme däit, kan em ni lijbe”, hät dai teólogo Walter Lowrie sreewe.

Victor däir jërer wek nåne kirch gåe, åwer hai däir forneeme soo as wen hai God ni kene däir. Hai sägt: “Dun, häw ik God sijne nåme Jehovaa kenelërt un wäir soo as wen ik em dat airst mål kene däir. Ik häw fornåme dat ik nuu kene däir der woo ik feel oiwer fortelen hööre däir. Nuu dau ik God saie soo as air mësch un woo ik groote ümgang mit häw.”

Jehovaa wil näig sin mit dai wat sijne nåme benutse. Tau dai wat an sijne nåme angrüüwle, God däit säge: “Ik dau barmhärtsigkët tau eer wijse soo as air kërl wat barmhärtsigkët wijst tau sij kind wat em horge däit.” (Malaquias 3:16 un 17) Hai däit der uk beloone wat sijne nåme benutse däit. Dai Bijbel sägt: “Jërer dai wat Jehovaa sijne nåme anraupe däit, wart rert.” (Romanos 10:13)

WAT DAUE FEEL LÜÜR GLÖÖWE?

Dai drai groote kirche wat sich kristlig reekne “soo as katolisch, ortodoxa oriental un protestante glööwe an drai godes in aine. Dai God Fåter, dai God Kind un dai God Hailig Gaist. Sai säge sai daue ni glööwe dat dës drai godes sin, åwer dës drai lüür sin bloosig air.” (Nova Enciclopédia Britânica up englisch)

WAT SÄGT DAI BIJBEL?

Jësus, God sij Kind, hät nij ais sägt dat hai neemlig soo wäir as sij Fåter. Gans aners, hai hät sägt: ‘Ik gåe nå mijm Fåter, weegen dai Fåter is gröter as ik.’ (João 14:28) Hai hät tau ain fruug wat sijn jünger wäir sägt: “Ik gå na mij Fåter un juuch Fåter, na mij God un juuch God.” (João 20:17)

Dai hailig gaist is kair mësch. Dai kristen nå Jësus sijm dood “sin ful woore mitm hailig gaist,” un Jehovaa hät sägt: “Ik schür fon mijm hailig gaist oiwer al sort lüür.” (Atos 2:1 bet 4 un 17) Dai hailig gaist höört ni tau tau drai godes in aine, åwer hai is God sijn kraft.

WOWEEGEN HÄT DIT GROOTE WËRD?

Karl Rahner un Herbert Vorgrimler, twai uutgelërte katolisch kërls, häwe sägt oiwer dai drai godes in aine: “Dat kan kair forståe åne air saichen. Lijkerst nog dat saichen, is dat nog ni genau forståen.” Kast duu aine lijbe wat’s duu ni kene un forståe däist? Neemlig soo, dat inlëren oiwer drai godes in aine, erlaubt ni dat dai lüür God kene un lijbe daue.

Tau Marco, wat wij al maint häwe, wäir ni licht God kenelëre weegen dat inlëren fon drai godes in aine. “Ik däir denke God wul ni dat ik em kenelëre däir, dårweegen wäir hai nog wijrer af fon mij.” “God is kair gewaldig God.” (1 Coríntios 14:33, Centro Bíblico Católico) Hai däit sich ni forsteeke fon oos. Hai wil dat wij em kene schåle. Jësus hät sägt: “Wij daue anbeere wat wij kene.” (João 4:22)

“As ik lërt häw dat God ni tauhööre däit tau drai godes in aine, häw ik aine gaure ümgang mit em kreege”, sägt Marco. Wen wij Jehovaa saie soo as air wat bekand mit oos is un ni as aine wat wij ni kene is feel lichter em lijbe. “Wee ni lijbt, däit God ni kene, weegen God is dat lijb”, sägt dai Bijbel. (1 João 4:8)

WAT DAUE FEEL LÜÜR GLÖÖWE?

“Der eer sële wat süün måke wat God ni forgeewe däit, wen dai doodblijwe gåe int höl un dår ware dai stråft mit ‘füür up ümer.’” (Catecismo da Igreja Católica) Wek religionschefs säge dai höl is ain stel woo dai lüür gans alaine sin un gans af fon God.

WAT SÄGT DAI BIJBEL?

“Dai sël wat süün mökt is wat doodblijwt.” (Ezequiel 18:4) “Dai doore daue gewis nischt mër waite.” (Eclesiastes 9:5) Den wen dai sël doodblijwt kan dai nischt sai un hööre, den kan dai uk nischt forneeme, uk ni wijdaf sin fon God.

Dat woord höl up hebraico un grego språk ine Bijbel, bedüürt dat graw woo dai lüür forgråwe ware. Dai Bijbel fortelt oiwer Jësus, “Duu däist mij ni im graw låte [“ine höl”, versão Antônio Pereira de Figueiredo up briånisch].” (Atos 2:27, Nova Versão Internacional) Gans sicher Jësus wäir ni ine höl uk ni wijdaf fon God, åwer in air graw.

WOWEEGEN HÄT DIT GROOTE WËRD?

Dai slechtigkët bringt oos ni näig an God, åwer mökt oos wijdaf fon em. Rocío ain fruug wat in México wånt, hät sägt: “Ik häw lërt oiwer dai füürhöl as ik klain wäir, dat däir mij soo ängste dat ik mij God ni foirstele küün soo as air gaur God. Ik däir denke hai wäir slecht un ungerechtig.”

Dat klår inlëren fone Bijbel oiwer wosoo God gerichte däit un wat mit dai doore passijrt, hät Rocío sijn gedanke gans aners måkt. Sai sägt: “Ik däir mij forneeme soo as wen mij ain swår dracht afnåme wäir. Hüüt bün ik mij sicher dat God oos lijbe däit, hai wil dat best tau oos un ik kan em lijbe. Hai is soo as air fåter wat sij kind sijn hand fast hült un wil dat best tau dem.” (Isaías 41:13)

Feel lüür daue sich anstrenge taum God anbeere weegen dai angst fone füürhöl. Åwer God wil ni dat’s duu em anbeere schast weegen angst. Jësus hät sägt: “Lijb Jehovaa dijne God.” (Marcos 12:29 un 30) Den wen wij lëre dat God ümer gerechtig is, koine wij oos sicher sin dat God oos gerichte däit mit gerechtigkët in dai tijd wat nog kümt. Soo as Eliú wat gaure ümgang har mit Jó koine wij mit sicherhët säge: “Dai wår God däir nij ais måke wat slecht is, un dai Almächtig däir nij ais måke wat forkërd is!” (Jó 34:10)

Aine dag in Jerusalém hät Jësus oiwer sijne Fåter, Jehovaa, fortelt un hät weese dat dai religionschefs laige däire. (João 8:12 bet 30) Wat Jësus sägt hät helpt oos forståe, dat dat wår is wat wij waite oiwer God. Hai hät sägt: “Wen jij mijn wöör horge, den sin jij wirklig mijn jüngers, jij ware dai wårhët kenelëre un dai wårhët däit juuch fraimåke.” (João 8:31 un 32)

“Wen jij mijn wöör horge.” In dësem spruch däit wijse wosoo waite dat wat dai religione inlëre “dai wårhët” is. Wen’s duu wat hööre däist oiwer God, dau denke: ‘Däit dat t’hooppasse mit Jësus sijn wöör un mit ales dat wat ine Bijbel stäit?’ Daue dai nåmåke wat höört häwe wat Paul inlëre däir, un däire jërer dag dai hailig sriwt nåsuike of dat [wat sai lëre däire] wirklig ales soo wäir. (Atos 17:11)

Marco, Rosa, Roberta woo wij al oiwer fortelt häwe, häwe genau uunersöcht woo sai anglööwe däire doir dai Bijbel lëre mit Jehovaas Tüügen. Wat häwe sai lërt?

Marco: “Al dai frågen wat ik un mijn fruug hare hät dai Bijbel oos antwoort. Soo is oos lijb up Jehovaa gröter woore, un soo as fruug un kërl sin wij oos uk ainiger woore.”

Rosa: “Ik däir denke dai Bijbel wäir bloos air bauk wat sreewe woore wäir, mit dat wat dai lüür denke däire oiwer dat wat God gefale küün, åwer, mite tijd häw ik dai antwooren fuune tau mijn frågen. Nuu dau ik waite dat Jehovaa wirklig geewe däit. Air woo ik anglööwe kan.”

Roberta: “Ik häw beert taum God kenelëre, ain tijd nåheer häwe ik un mij kërl anfånge dai Bijbel lëre. Doch as ais, häwe wij dai wårhët oiwer Jehovaa kenelërt. Dat hät oos sër fröögt waite wat for God hai is.”

Ine Bijbel fijne wij feel mër as bloos dai wårhët oiwer God. Dai wijst uk dat God gaud un lijb is. Dai Bijbel kümt fon God un helpt oos ‘waite ales dat wat God oos mit gaurigkët geewe däit.’ (1 Coríntios 2:12) Wat mainst duu dai Bijbel lëre un waite wat dai sägt oiwer God, woweegen God oos un dai Ër måkt hät, un wat nog passijre däit in dai tijd wat nog kümt. Duu kast dat fijne in “Inlëren fone Bijbel >Frågen wat dai Bijbel antwoort”, in site jw.org, duu kast dij uk ain bijbelstuun forlange in dëse site, urer tau irgends air Jehovaas Tüügen. Wen’s duu dai Bijbel lëre däist, wij sin oos sicher dat dij lijb up Jehovaa gröter wart.