Ain swår tijd åwer wij koine wat gaures luure

“Ine lätste dåg swår tijd taum uuthulen geewe däit.” (2 TIMÓTEO 3:1)

HÄST DUU al höört urer saie soo’n unglük soo as dës?

● Feel lüür daue doodblijwe weegen ain krankhët wat kain hülp dårtau hät.

● Feel lüür daue forhungre.

● Air ërschütlen is passijrt un feel sin doodkåme un feel andrer eer hüüser sin uutrot.

Fon hijr an, wiman’s klain bits fortele oiwer dës daile wat passijre daue wat wij al sägt häwe dat’s duu klain bits angrüüwle däist. Duu däist uk saie dat dai Bijbel al säge däir dat dës daile passijre däire in dai tijd wat nent wart soo as dai “lätste dåg.”a

Dit is ni taum wijse woo slecht is dai wild woo wij leewe. Duu däist al dåroiwer waite. Åwer dit is taum dij hofnung geewe un wijse dat dës söss daile wat hüüt passijre daue, daue bedüüre dat wij in dai lätste dåg leewe daue un dës tijd wart bald al. Dat däit uk wijse: Woweegen daue wek ni an dat glööwe? Woweegen kast duu anglööwe dat wat beeter bald kåme däit?

[Nåt]

1. Ërschütlen

“Wart groot ërschütlen geewe.” (LUCAS 21:11)

● Is air groot ërschütlen wääst in Haiti. Wek lüür wat ine televison arbëre däire, wat dår wäire taum wijse wat passijrt is, häwe ain hüülen höört. Uuner air huus hät air klairkind lege ain jår un fair månate uld. Sai däir Winnie haite. Sai is dår leewig uuner ruuterhålt woore. Åwer eer papa un mama sin ni leewig bleewe.

WAT DAUE WIJ WIRKLIG WAITE? In Haiti, in januar 2010, is air sër groot ërschütlen passijrt. Dai uutgelërte häwe dat meetert, un fon 1 bet 10, is 7 strich stark wääst. Dårweegen sin 300 duusend lüür doodkåme. Un nog 1 miljon un 300 duusend lüür eer hüüser sin mit ais uutrot woore. Åwer wäir ni bloos dës sër slim ërschütlen in Haiti wat wääst is. Ine ganse wild sin wënsig 18 groot ërschütlen fon april 2009 bet april 2010 passijrt.

WAT DAUE WEK MAINE? Dat bedüürt ni dat hüüt sin mër ërschütlen as airste, åwer weegen dai tecnologia, wij daue dåroiwer rascher waite as früüer.

STIMT DAT T’HOOP? Denk man ais: dai Bijbel sägt ni oiwer wofeel ërschütlen ine lätste dåg passijre däire, åwer sai sägt dat “wart groot ërschütlen geewe up ain stel nåne andrer.” Den, dës groot ërschütlen däire pruiwe up wat fone tijd daue wij hüüt leewe. (Marcos 13:8 un Lucas 21:11)

WAT MAINST DUU? Daue hüüt groot ërschütlen passijre soo as dai Bijbel al säge däir?

Kan sin dat wek maine ni dat bloos dai ërschütlen daue wijse dat wij ine lätste dåg leewe daue. Åwer dai ërschütlen sin bloos ain fon dai daile wat hüüt passijre daue. Wiman’s anerd saie.

[Groot srijwen]

“Wij wat dai Ër uutlëre daue, daue dai nene soo as groot ërschütlen, åwer dai lüür daue dai nene soo as unglük.” KEN HUDNUT, CENTRO DE PESQUISA GEOLÓGICA DOS EUA.

[Wem dai bijld höört]

© William Daniels/Panos Bijler

2. Hungersnood

“Dat eeten wart knap.” (MARCOS 13:8)

● Ain kërl is nåm Quaratadji, Níger, weggåe taum hülp suike. Em sijn fründe, bruirers un swesters sin uk dårhen weegen hungersnood weggåe. Åwer dai kërl legt sich alaine ane borem. Woweegen? Dai schef dår däit soo uutdüüre: “Hai kan ni em sijn familg int gesicht saie, weegen hai krijgt ni mër dai ernääre.”

WAT DAUE WIJ WIRKLIG WAITE? Ine ganse wild, fon 7 lüür, 1 hät ni naug eeten jërer dag. Dat wart slechte in mëst fon África, woo fon 3 lüür, 1 swak gesundhët hät weegen ni naug eete däit. Dat’s duu dat best forståe kast, dau andenke an air papa, ain mama un ain klairkind. Wen ni naug eeten hät tau ale, wee blijwt åne eeten? Dai papa, dai mama urer dai klairkind? Dat muite feel familg jërer dag uutsuike.

WAT DAUE WEK MAINE? Dat Ër giwt mër as dat naug is tau ale eete. Dat bruukt bloos beeter uutdailt sin.

STIMT DAT T’HOOP? Hüüt kan man mër plante un mër eeten uutdaile as nij ais. Dai wat dai wild regijre küüne dat eeten beeter wirtschafte wat dai Ër geewe däit un den wäir dat hungersnood al. Åwer, is al lang tijd forbij dat sai dat forsöcht häwe, åwer dat ni måkt kreege häwe.

WAT MAINST DUU? Däit dat passijre soo as stäit in Marcos 13:8? Lijkerst dat hüüt feel tecnologia hät, is dat eeten ine ganse wild knap?

Mëst ümer ërschütlen un hungersnood häwe besägen mit anerd dail wat ine lätste dåg passijre däit.

[Groot srijwen]

“Bijnå halw fon dai kiner wat lungenentsündung (pneumonia), doirfal (diarreia) un andrer krankhët hat häwe, küüne leewig bleewe wen sai hungersnood ni doirset hare.” ANN M. VENEMAN, EX-DIRETORA EXECUTIVA DO FUNDO DA ONU PARA A INFÂNCIA.

[Wem dai bijld höört]

© Paul Lowe/​Panos Pictures

3. Krankhëte

“Dai lüür . . . daue feel krankhëte doirsete.” (LUCAS 21:11 fon dai Bijbel Contemporary English Version)

● In ain stel in África woo feel krijg mank dai lüür passijrt is, Bonzali, air kërl wat tau dai regirung arbëre däir, hät forsöcht hülp suiken weegen wek arbëdslüür däire doodblijwe weegen ain sort krankhët wat Marburga fëwer hit. Hai is nåm ain gröter stad gåe taum hülp suiken, åwer kain hät em hulpe. Fair månat heer as dai hülp kåme is, Bonzali wäir al doodbleewe. Hai hät uk dai krankhët kreege fon dai arbëdslüür wat hai helpe wul.

WAT DAUE WIJ WIRKLIG WAITE? Krankhëte soo as lungenentsündung (pneumonia), doirfal (diarreia), HIV/AIDS, stikhauste un malária sin dai krankhëte wat mër gefärlig sin. Dårdoir daue feel lüür doodblijwe. Pår tijd trööguut 10 miljone un 700 duusend lüür sin doodbleewe weegen dëse krankhëte. Dat wäir soo as wen ain mësch doodblijwe däir in jërer drai sekunde doir ain jår lang.

WAT DAUE WEK MAINE? Dat ine wild ümer mër lüür ware, den ware mër lüür krank.

STIMT DAT T’HOOP? Dai lüür ine ganse wild ware ümer mër, åwer dai dokters waite nuu uk mër oiwer dai krankhëte un wosoo dai lüür gesundmåke. Den, müste nuu wënige krankhëte sin, is ni wår? Åwer, dat däit ni soo passijre.

WAT MAINST DUU? Kan dat sin dat feel slechte krankhëte sin soo as dai Bijbel foiruut sägt hät?

Ërschütlen, hungersnood un krankhët daue miljone lüür eer leewend schåre. Andrer miljone daue nood doirsete weegen dai wat eer uppasse müste, daue eer slecht behandle. Sai wat dai Bijbel sägt wat passijre däir.

[Nåt]

[Groot srijwen]

“Dat is beängstlig upfreete ware fon ain lööw urer irgends ain anerd tijr. Åwer is grår soo beängstlig doodblijwe weegen ain slecht krankhët un saie dat üm dij rümer passijre däit.“ DOKTER MICHAEL OSTERHOLM.

[Wem dai bijld höört]

© William Daniels/​Panos Pictures

4. Kaine lijb ine familg

“Dai lüür . . . ware åne lijb sin ine familg.” (2 TIMÓTEO 3:1 bet 3, Nova Versão Internacional)

● Ain mësch wat Chris haite däit, wat in País de Gales wåne däit, däit arbëre taum lüür helpe wat gewald ine familg doirsete daue. Chris hät soo sägt: “Ik kan mij ain fruug denke wat hülp suike däir. Sai wäir soo hoogt woore ik däir eer ni mër kene, lijkerst dat ik eer al saie har. Un dai andrer fruuges krijge soo groot angst dat sai ni nå dij kijke.”

WAT DAUE WIJ WIRKLIG WAITE? Ain in drai fruuges sin al slechtigkët angåe taum seks bedrijwen ine stel fon África. In air upsuiken in dës gëgend is ruuterfuune bijnå halw fon dai kërls däire denke soo’s sai küüne eere fruug hooge. Åwer wäire ni bloos dai fruuges wat gewald ine familg doirsete daue. In Canadá bijnå 30% fon dai kërls sin uk hoogt woore un häwe gewald doirset doir eer fruuges.

WAT DAUE WEK MAINE? Dit is al ümer passijrt. Bloos nuu daue dai lüür dår nåkijke.

STIMT DAT T’HOOP? Is wår, dës lätste jåre häwe dai lüür düler nåkeeke in dat gewaldigkët ine familg, åwer mag dat wënig woore sin? Në, is ni dit wat passijrt is. Dai lüür daue kaine lijb mër wijse oiwer eer familge.

WAT MAINST DUU? Dai wöör in 2 Timóteo 3:1 bet 3, daue dai hüüt passijre? Mainst duu dat feel lüür ni dai lijb forneeme daue oiwer eer familg wat sai forneeme müste?

Dat fümwt dail wat passijre däit hät sägen mit dai Ër. Kijk man’s wat dai Bijbel dåroiwer säge däit.

[Groot srijwen]

“Dat gewald ine familg däit hüüt sër passijre, åwer wënig lüür daue dat säge. Mëst ümer ain fruug gäit bloos nane soldåte tau dat angeewe nådem dat sai hoog woore is 35 måls.” PORTA-VOZ DA LINHA DE ATENDIMENTO A VÍTIMA DE ABUSO DOMÉSTICO DO PAÍS DE GALES.

5. Dai Ër wart foråst

“[God] däit dai uutrote wat dai ër foråse.” (APOCALIPSE 11:18)

● Pirri, ain kërl wat in Kpor, Nigéria wånt, mökt wåter uut ain sort boom ruuter taum wijn måke. Weegen ööl is schürt woore in dai Níger fluss, dat hät Pirri sij arbëd un leewend schårt. Pirri sägt soo: “Dat mökt dai fische dood, giwt krankhët in dat fel un mökt oos flüss drekig, dårweegen krijgt ni mër alaine ernääre.”

WAT DAUE WIJ WIRKLIG WAITE? Soo as wek uutgelërte maine, jërer jår ware 6 miljone un 500 duusend kilo drek dår in dai meer rinersmeete. Sai maine uk wat 50% fon dit sin plastik daile, wat feel huunerd jåre langduure däit. Dai lüür daue ni bloos dai Ër drekig måke, åwer uk daue rasch forbruuke ales wat dai Ër oos geewe däit. Wek upsuiken daue wijse dat, dat wat dai lüür in ain jår forbruuke daue, däit ain jår un fijw månats langduure dat dai Ër nijg wart dår fon. Dai jornal Australia Sydney Morning Herald hät soo sägt: “Wen dai lüür ümer mër ware un dai daile wat dai Ër giwt soo rasch forbruuke, in dat jår 2035 wij daue den wat soo as twai Ër bruuke dat dai lüür leewe koine.”

WAT DAUE WEK MAINE? Dai lüür sin klauk. Wij koine dës daile int raich bringe un dai Ër nijg måke.

STIMT DAT T’HOOP? Feel lüür daue sich sër anstrenge taum dai lüür taureere dat sai dai Ër uppasse daue. Åwer nog soo, dai lüür blijwe bijm dai Ër sër drekig måke.

WAT MAINST DUU? Kan dat sin dat soo as God forspråke hät, hai mut wat måke dat oos wild ni gans foråst wart?

Nog as dai fijw daile wat al sägt woore sin, dai Bijbel sägt uk oiwer gaure daile wat ine lätste dåg passijre däire. Wiman’s dai söxt saie.

[Groot srijwen]

“Ik däir in ain sër fain stel wåne, åwer nuu dår is bloos sër feel drek.” ERIN TAMBER, WAT IN COSTA DO GOLFO, ESTADO UNIDOS WÅNE DÄIT, FORTELT OIWER WAT PASSIJRT IS, AS ÖÖL SCHÜRT WOORE IS, IN DAI GOLFO DO MEXICO IN 2010.

Bijld fon U.S. Coast Guard

[Tåfel]

Is God sijn schuld?

Dat dës daile wat hüüt passijre daue in dai Bijbel ståe, bedüürt dat God sijn schuld is? Wil hai dat wij nood doirsete däire? Duu kast dai antwoore fijne for dës frågen in dai kapitel 8 fon God hät Gaure Nijges tau Dij, wat måkt wart fon Jehovaas Tüügen.

[Wem dai bijld höört]

U.S. Coast Guard bijld

6. Ine ganse wild ware dai gaure nijges preegt

“Dës gaure nijges fon [God sij] Regirung ware up dai gans bewånend ër preegt.” (MATEUS 24:14)

● Ain fruug wat Vaiatea hit, wånt in ain wijdaf insel in Tuamoto in Pacífico, woo wënige lüür wåne daue. Lijkerst soo Jehovaas Tüügen daue Vaiateia un sijn nåwers besuike. Woweegen? Weegen sai wile dai gaure nijges fon God sijn Regirung tau ale lüür preege, nischt sägen woo sai wåne daue.

WAT DAUE WIJ WIRKLIG WAITE? Jehovaas Tüügen daue dai beschaid fon God sijn Regirung ine ganse Ër preege. In 2010 Jehovaas Tüügen häwe dai gaure nijges in 236 land preegt, sai häwe mër as 1 biljon un 600 duusend stuune as dit up dës arbëd. Dat bedüürt dat jërer fon dai hät jërer dag wënsig 30 minuute preegt. In dai lätste tëgen jåre sai häwe mër as 20 biljone buiker måkt un uutdailt taum dai Bijbel inlëre.

WAT DAUE WEK MAINE? Feel häwe al dai beschaid fone Bijbel sër preegt.

STIMT DAT T’HOOP? Feel häwe wirklig wat oiwer dai Bijbel preegt. Åwer mëste fon eer häwe dat måkt bloos doir wënig tijdlang un ni ine ganse wild. Åwer Jehovaas Tüügen daue ine ganse wild ainig dai beschaid fon dai Bijbel preegt tau feel miljone lüür. Lijkerst dat feel slecht lüür sin gëgen Jehovaas Tüügen wääst weegen eer preegarbëd, sai häwe dës arbëd ni nålåte.a (Marcos 13:13) Un nog Jehovaas Tüügen krijge kain loon taum preegen, sai daue dat mit fraiwile måke un dai buiker wat sai uutdaile daue sin ümsüss. Dai arbëd wat sai måke daue wart betålt mit gild wat mit fraiwile geewt wart.

WAT MAINST DUU? Ware dai gaure nijges fon God sijn Regirung ine ganse wild preegt? Dat dat hüüt passijrt bedüürt dat wat beeter bald kåme däit?

[Nåt]

[Groot srijwen]

“Solang as Jehovaa låte däit, wij daue bijblijwe dai gaure nijges fon God sijn Regirung mit lust preege, wij daue ales måke dat wij mit dai lüür fortele koine.” ANUÁRIO DAS TESTEMUNHAS DE JEOVÁ DE 2010.

Wat beeter bald kåme däit!

“Bloos nog ain klain bits un dai slechte ware ni mër sin, åwer dai Ër wart der fråme hööre un sai häwe den groot fruir in sër feel freere.” (SALMO 37:10 un 11)

WEN dës spruch passijre däit, wist duu gërn dat saie? Gans sicher jå. Wij daue wirklig glööwe dat bald passijre däit.

Ales wat wij bet nuu saie häwe sin bloos wek daile wat ståe ine Bijbel wat klår låte dat wij ine lätste dåg leewe daue. (2 Timóteo 3:1 bet 5) Doir dai wat dai Bijbel sreewe häwe, God hät dës daile sägt wat hüüt passijre daue, dat wij anglööwe daue un gloobe häwe. (Romanos 15:4) Dat dës daile hüüt passijre daue, dat bedüürt dat bald der eelend wat wij doirsete daue wart gans al.

Wat kümt nå dai lätste dåg? God sij Regirung däit dai ganse lüür regijre. (Mateus 6:9) Sai wat sägt dai Bijbel oiwer woo wart dai Ër sin wen dat passijre däit:

● Giwt kain hungersnood mër. “Wart feel sort köörn upe ër sin, un uk feel sort eeten båwen upm bärg.” (Salmo 72:16)

● Däit den kain krankhët mër geewe. “Kair wat upe ër wånt wart säge: ‘Ik bün krank.’” (Isaías 33:24)

● Dai Ër wart nijg måkt. “Dat sandland un dai dröög ër daue juuche un dai wüüst däit juuche un wart ful mit blaume.” (Isaías 35:1)

Dës sin bloos wek fon dai gaure daile wat God forspråke hät ine Bijbel wat bald passijre daue. Duu kast Jehovaas Tüügen säge taum dij helpe sicherhët häwe dat bald wat beeter kåme däit.