KAPITEL 10

Dau dai stim ümstele

Provérbios 8:4, 7

WAT MUST DUU MÅKE? Dau öftens bits hoog urer lijs fortele, dau dijn stim ümstele taum soo låte as wen’s duu fröölig, traurig, mit angst urer soo wat büst, un dau uk öftens rasche urer langsåmer fortele.

WOSOO KAST DUU DIT MÅKE?

Dau öftens bits hoog urer lijs fortele. Säg hoog taum dai oiwerste daile säge, taum dai lüür lust geewe un wen’s duu ain spruch leese däist woo air mësch der andrer gerichte däit. Fortel lijs taum dai lüür eer nijglig låte un uk wen’s duu forneemen wijse däist as angst un unruigkët.

Säg ni soo hoog soo as wen dat låte däit dat’s duu mit eer sanke däist. Dau ni tauduul dai stim ümstele, åwer fortel soo as duu gewoont büst. Dat dai lüür ni tauduul an dij sich ankëre daue.
Dau dijn stim ümstele taum soo låte as wen’s duu fröölig, traurig, mit angst urer soo wat büst. Stel dijn stim üm taum lust, angst un traurigkët wijse.
Dau öftens rasche urer langsåmer fortele. Fortel rasche wen’s duu fortele wist oiwer gaure daile. Fortel langsåmer wen’s duu fortele wist oiwer daile wat wërd häwe.

Dau ni mit ais taurasch urer tau hoog fortele taum ni dai lüür forsreke. Fortel ni taurasch süste daue dai lüür ni forståe wat’s duu säge däist.