KAPITEL 38
Geew wërd tau dem leewend weegen dat is air geschenk
Im dem leewend koine wij feel schöön daile beleewe. Nog wen wij swårhëte doirsete wij koine fröölig sin. Dat leewend is air geschenk fon Jehovaa, den wosoo koine wij wijse dat wij dankbår sin? Un woweegen muite wij dat måke?
1. Woweegen muite wij dem leewend wërd geewe?
Dat leewend is air geschenk fon oosem lijblig Fåter Jehovaa, dårweegen muite wij dem leewend wërd geewe. Jehovaa is dai “kwel fom leewend”, weegen hai hät dat leewend måkt. (Salmo 36:9) “Hai selwst giwt ale leewend, luft un al dai daile.” (Atos 17:25 un 28) Dës sprüüch daue wijse dat Jehovaa oos ales giwt wat wij bruuke taum leewig blijwe, åwer is ni bloos dit, Jehovaa giwt oos feel daile taum air sër gaur leewend häwe. (Lees Atos 14:17)
2. Wosoo koine wij tau Jehovaa wijse dat wij dankbår sin oiwer dat leewend?
Davi, wat reäl tau God wäir, hät air mål soo beert: “Dijn oogen häwe mij sogår saie as ik in muterslijf wäir.” (Salmo 139:16) Dit däit wijse dat Jehovaa sich mit dij bekümert fon dun an as dijn mama dij luure däir. Dij leewend hät feele wërd tau Jehovaa. (Lees Mateus 10:29 bet 31) Jehovaa giwt dem leewend soo feele wërd dat hai sër traurig wart wen air aine doodmökt urer mökt sich alaine dood. (Êxodo 20:13)a (Kijk dai nåt) Jehovaa wart uk traurig wen wij ni oos leewend uppasse un daue wat måke wat gefärlig is tau oosem leewend un tau dai andrer eene. Åwer wen wij oos leewend un der andrer een uppasse, daue wij wijse dat wij dësem faine geschenk wërd geewe.
DAU MËR LËRE
Dat leewend is air fain geschenk. Dau saie wosoo kast duu dem wërd geewe.
3. Dau dijn gesundhët uppasse
Dat wij tau Jehovaa forspråke häwe ümer måke wat hai wil, wij daue oos gans leewend tau em benutse. Dat is soo as wen wij oose körper tau em anbaire daue. Leest Romanos 12:1 un 2. Nåheer fortelt oiwer dai frågen hijr uuner:
Soo as stäit im dësem spruch, woweegen must duu dijn gesundhët uppasse?
Wosoo kast duu dat måke?
4. Dau uppasse dat kair unglük passijrt
Ine Bijbel stäit wij schåle kair dail måke wat gefärlig is. Kijkt der VIDEO taum saie wat fon daile kast duu måke taum dat leewend uppasse.
Leest Provérbios 22:3. Nåheer fortelt oiwer wosoo kast duu un dai andrer dat leewend uppasse . . .
t’huus in huus.
upe arbëdstel.
wen jij esportes måke.
wen jij fuire urer mit aim mitfuire.
5. Dau dem klaine kind sij leewend in muterslijf ëre
Davi hät uutdüürt dat Jehovaa sich sër dul ankëre däit an ales wat passijrt mit air klair kind wat nog ni geboore is. Leest Salmo 139:13 bet 17. Nåheer fortelt oiwer dai fråg hijr uuner:
Wonair fängt dat leewend tau Jehovaa an: wen dai fruug dat klair kind luure däit urer wen dat geboore wart?
Dai geboote wat Jehovaa tau dem Israel folk geewt hät, däir dai mama un dat klair kind wat nog ni geboore wäir behüüte. Leest Êxodo 21:22 un 23. Nåheer fortelt oiwer dai frågen hijr uuner:
Wat däir Jehovaa maine oiwer aine mësche wat ån dat wile måke däir dat air klair kind in muterslijf doodkaim?
Wosoo däit Jehovaa sich befijne wen air uutm wile dat måke däit?b (Kijkt dai nåt)
Wat mainst duu hijr oiwer soo’s God denke däit?
Sogår ain fruug wat dem leewend feele wërd giwt, kan maine dat ainsig dail wat sai måke kan is afdoktren. Leest Isaías 41:10. Nåheer fortelt oiwer dai fråg hijr uuner:
Wen ain fruug taureert wart taum air klair kind afdoktre, wem mut sai hülp forlange? Woweegen?
WEK DAUE SOO SÄGE: “Jërer fruug hät recht taum uutsuike of dai afdoktre däit urer ni.”
Wat giwt dij sicherhët dat Jehovaa der mama un dat klair kind wat nog ni geboore is wërd giwt?
WAT HÄWE WIJ HIJR LËRT?
Dat leewend is air fain geschenk fon Jehovaa. Ine Bijbel lëre wij, wij schåle oos leewend un der andrer een lijbe, ëre un uppasse.
Denk dij ais nå
Woweegen hät dat leewend feele wërd tau Jehovaa?
Wosoo däit Jehovaa sich befijne wen air mësch aine ande doodmökt urer mökt sich alaine dood?
Dat leewend is air fain geschenk. Woweegen hät dat feele wërd tau dij?
TAUM MËR WAITE
Dat leewend is air geschenk fon Jehovaa. Wosoo kan man em dårweegen danke?
Däit Jehovaa ain fruug forgeewe wat air klair kind afdoktert hät?
“Wat sägt dai Bijbel oiwer air klair kind afdoktre?” (Stäit in jw.org taum leesen)
Dat wij dat leewend ëre, wat fone tijdfordrijwen schåle wij uutsuike?
“Däit sich dat loone esportes måke wat gefärlig sin?” (Wåkt Up!, 8 oktober 2000)
Dau saie wosoo dai Bijbel aim helpe kan wat ine gedanke hät wil sich alaine doodmåke.
“Ik wil ni mër leewe - Kan dai Bijbel mij mithelpe?” (Stäit in jw.org taum leesen)
a Nåt: Jehovaa forstäit wosoo sich air befijne däit wat sich alaine doodmåke wil un hai wil der helpe. Jehovaa bekümert sich sër mit dai wat ain forbråken härts häwe. (Salmo 34:18) Taum saie wosoo kan Jehovaa dai helpe wat ine gedanke häwe sai wile sich doodmåke, lees der artikel “Ik wil ni mër leewe - Kan dai Bijbel mij mithelpe?”, im dem stük “Taum mër waite”.
b Nåt: Dai fruug wat air klair kind afdoktert hät, bruukt sich ni soo dul schuldig forneeme. Jehovaa kan eer forgeewe. Taum mër lëre, lees der artikel “Wat sägt dai Bijbel oiwer air klair kind afdoktre?” in dat stük “Taum mër waite”.