Dai Groot Reege — wee hät God horgt?

In Nooe sijn tijd, wäire dai mëste lüür slecht.  Gênesis 6:5

Adam un Eva häwe kiner hat, dun sin dat feel lüür woore. Wek ängels häwe Satan bijståe, un sin up dai Ër trekt.

Sai häwe sich körper måkt soo as kërls, un häwe mit fruuges frigt. Dai fruuges häwe kiner hat. Dai wäire sër groot un sër stark un wäire gewaldig.

Dai wild is gans ful woore mit slecht lüür. Dai Bijbel däit uutdüüre ‘dai slechtig- kët wöör ümer gröter un eer gedanke wäire ale slecht.’

Nooe hät God horgt un hät dere kaste buuwt.  Gênesis 6:13, 14, 18, 19, 22

Nooe wäir air gaur kërl. Jehovaa hät tau em sägt: ‘Bald kümt air groot reege un dai slechte blijwe ale dood.’

God hät uk tau Nooe sägt hai schul air groot schif buuwe, aine kaste, taum sijn famijlg un al sort tijre rinerbringe.

Nooe hät der lüür beschaid sägt oiwer der groote reege, åwer dai häwe ni horgt. Sai häwe em uutlacht un sin sër wüütend woore.

Dat dai kaste trecht wäir, hät Nooe dai tijre dår rinerbröcht.