KAPITEL 34
Wosoo koine wij oos lijb up Jehovaa wijse?
Fon dun an dat’s duu dai Bijbel lëre däist, däist duu God düler lijbe? Wilst duu bijblijwe dijne ümgang mit em stärke? Den, dau andenke dat ji düler as Jehovaa süüt dat dij lijb up em gröter wart, ji düler däit hai dij lijbe un uppasse. Åwer, wosoo kast duu wijse dat’s duu Jehovaa lijbe däist?
1. Wosoo koine wij wijse dat wij Jehovaa lijbe daue?
Wij daue wijse dat wij Jehovaa lijbe wen wij em horge. (Lees 1 João 5:3) Jehovaa mökt ni dat wij em mit gewald horge schåle. Hai löt oos uutsuike of wij em horge wile urer ni. Woweegen? Weegen Jehovaa wil dat wij em horge ‘mit oose ganse härts’. (Romanos 6:17) Dit bedüürt Jehovaa wil dat’s duu em horge däist doir dat lijb, ni dat’s duu dat måke must. Dai stüke 3 un 4 in dësem bauk ware dij helpe dij lijb up Jehovaa wijse doir dai daile måke wat em gefale un ni måke wat hai hasse däit.
2. Woweegen kan ni licht sin oos lijb up Jehovaa wijse?
“Dai gerecht hät feel slimhëte.” (Salmo 34:19) Wij ale muite oos anstrenge gëgen oos aigen fëgels. Un kan sin wekmåls oos gild is knap un wij daue ungerechtigkët un andrer daile doirsete. Wen wij slimhëte doirsete kan ni licht sin måke wat Jehovaa oos forlangt. Dat däit passijre weegen löt soo måke wat forkërd is, is lichter. Åwer wen’s duu Jehovaa horge däist, duu däist wijse dat’s duu em düler lijbe däist as irgends air anerd dail. Un duu wijst dat’s duu reäl büst. Dårweegen Jehovaa wart reäl mit dij sin. Hai wart dij ais nij besijdlåte. (Lees Salmo 4:3)
DAU MËR LËRE
Dau saie woweegen fröögt Jehovaa sich wen’s duu em horgst un sai uk wat wart dij helpe reäl tau em sin.
3. Dai Düüwel hät dij wat uplåge
Ine Bijbel, in dem Jó bauk stäit dat dai Düüwel Jó un al dai lüür wat Jehovaa horge wile wat uplåge hät. Leest Jó 1:1 un 6 bet 2:10. Nåheer fortelt oiwer dai frågen hijr uuner:
Soo’s dai Düüwel sägt hät, woweegen däir Jó Jehovaa horge? (Kijkt Jó 1:9 bet 11)
Wat hät dai Düüwel oiwer al dai lüür sägt, sogår oiwer dij? (Kijkt Jó 2:4)
Leest Jó 27:5b. Nåheer fortelt oiwer dai fråg hijr uuner:
Wosoo hät Jó weese dat hai wirklig Jehovaa lijbe däir?
Jó hät weese dat hai Jehovaa lijbe däir as hai reäl tau em wääst is
Wij wijse dat wij Jehovaa lijbe wen wij reäl tau em sin
4. Dau Jehovaa sijn härts fröölig låte
Leest Provérbios 27:11. Nåheer fortelt oiwer dai fråg hijr uuner:
Wosoo befijnt sich Jehovaa wen’s duu måke däist wat richtig is un em horge däist? Woweegen?
5. Duu kast reäl tau Jehovaa sin
Wij daue Jehovaa lijbe un dårweegen wile wij oiwer em tau dai andrer fortele. Dat wij reäl tau Jehovaa sin, wile wij em horge lijkerst wen dat ni licht is. Kijkt der VIDEO. Nåheer fortelt oiwer dai frågen hijr uuner:
Tau dij, is dat ni licht oiwer Jehovaa tau dai andrer fortele?
In dem video, wat hät Cláudio hulpe dai angst oiwerståe?
Is feel lichter reäl tau Jehovaa sin wen wij lijbe wat hai lijbe däit un hasse wat hai hasse däit. Leest Salmo 97:10. Nåheer fortelt oiwer dai frågen hijr uuner:
Wen’s duu andenke däist an dat wat’s duu bet nuu hen lërt häst, wat fon daile däit Jehovaa lijbe? Un wat fon daile däit hai hasse?
Wosoo kast duu lëre lijbe wat gaud is un hasse wat slecht is?
6. Is ümer beeter Jehovaa horge
Jehovaa horge is ümer dat best dail taum måken. Leest Isaías 48:17 un 18. Nåheer fortelt oiwer dai frågen hijr uuner:
Mainst duu wij koine oos upforlåte dat Jehovaa ümer wät wat beeter tau oos is? Woweegen?
Wosoo hät dij bet nuu hen dat hulpe wat’s duu lërt häst oiwer dai Bijbel un oiwer Jehovaa?
WEK DAUE SOO SÄGE: “God däit sich går ni ankëre an dat wat ik måk urer ni.”
Wat fone spruch kast duu wijse taum uutdüüre dat dat wat wij måke Jehovaa angäit?
WAT HÄWE WIJ HIJR LËRT?
Duu kast wijse dat’s duu Jehovaa lijbe däist wen’s duu em horgst un reäl tau em büst lijkerst wen dat ni licht is.
Denk dij ais nå
Wat häst duu lërt fon Jó?
Wosoo kast duu wijse dat’s duu Jehovaa lijbe däist?
Wat wart dij helpe reäl tau Jehovaa sin?
TAUM MËR WAITE
Dau saie wosoo kast duu reäl tau Jehovaa un tau dai gemaind sin.
Dau mër lëre oiwer dat uplaigen wat dai Düüwel måkt hät gëgen dai lüür.
“Jó däit sijn reälligkët behule” (Wat fone beschaid stäit ine Bijbel? kapitel 6)
Sogår dai kiner koine wijse dat sai Jehovaa lijbe. Dau saie wosoo.
Wosoo kan air juugend bijblijwe reäl tau God sin wen andrer juugende der inreere wile taum wat forkërdes måke?