KAPITEL 44
Daue al feste un fijrdåg God gefale?
Jehovaa wil wij schåle fröölig sin un dat wij tijdfordrijwen häwe. Åwer, daue al feste un fijrdåg God gefale? Wat hijr mit besägen hät wosoo koine wij wijse dat wij em lijbe?
1. Woweegen gefale Jehovaa feel fijrdåg ni?
Kan sin dat däit dij bewunre dat feel fijrdåg kåme fone falsche religione urer daue ni t’hoopstime mit dai Bijbel. Kan sin häwe dës fijrdåg besägen mit hexerig urer daue bijståe dat inlëren dat dai sël nij ais doodblijwt. Wek fijrdåg häwe tau dauen mit daile soo as åwerglööwisch sin un dat der lüür dat al tausägt woore is. (Isaías 65:11) Jehovaa formånt sij folk: “Gåt mank eer ruuter un hult juuch dårfon tröög . . . un daut kain drekig daile anrööge.” (2 Coríntios 6:17,a kijk dai nåt)
2. Wat maint Jehovaa oiwer fijrdåg woo dai lüür taudul ërt ware?
Jehovaa däit oos formåne dat wij döre oos ni ‘forlåte up ainfach lüür’. (Lees Jeremias 17:5) Wek fon dës fijrdåg sin inset woore taum ëren wijse tau dai lüür soo’s dai soldåte un dai wat regijre. Un andrer fijrdåg sin taum der fån un dat land ëre. (1 João 5:21) Un nog andrer, häwe besägen mit politik urer grups lüür wat recht suike. Wen’s duu taudul aine mësche urer ain grup lüür ëre däirst, uphaupt dai wat taureere måke wat gëgen God sijne wile is, wosoo mainst duu däir Jehovaa sich befijne?
3. Wat däit God ni gefale in wek feste?
Ine Bijbel stäit is forkërd ‘besåpen ware, fest fijren wat oiwerhand nimt un drinkerig’. (1 Pedro 4:3) In wek feste dai lüür gåe kopoiwer un måke feel forkërd un drekig daile. Taum bijblijwe aine gaure ümgang mit Jehovaa häwe, muite wij oos trööghule fon ales wat ni rëgen tau em is.
DAU MËR LËRE
Dau saie wosoo kast duu Jehovaa gefale doir dijn uutsuiken oiwer fijrdåg fijre.
4. Låt dij ni in mit feste un fijrdåg wat Jehovaa ni gefale
Leest Efésios 5:10. Nåheer fortelt oiwer dai frågen hijr uuner:
Woo oiwer must duu dij sicher sin wen’s duu uutsöchst aine fijrdag fijre?
Wat fon fijrdåg ware fijrt dår woo’s duu wåne däist?
Mainst duu dat dës fijrdåg Jehovaa gefale?
Häst duu dij al frågt wat Jehovaa maint oiwer geburtsdag fijre? Ine Bijbel stäit nischt oiwer aine wat tauhööre däir tau Jehovaa sijm folk wat geburtsdag fijrt hät. Un twai måls woo stäit ine Bijbel oiwer geburtsdag fijre sin fon twai lüür wat ni tauhööre däire tau Jehovaa sij folk. Leest Gênesis 40:20 bet 22 un Mateus 14:6 bet 10. Nåheer fortelt oiwer dai frågen hijr uuner:
Wat häwe dës twai geburtsdag oiwerain?
Soo as in dës sprüüch stäit, wat denkst duu maint Jehovaa oiwer geburtsdag fijre?
Kan sin duu däist dij fråge: ‘Däit Jehovaa sich dår an ankëre wen ik geburtsdag urer andrer fijrdåg fijr wat ni t’hoopstime mit dai Bijbel?’ Leest Êxodo 32:1 bet 8. Nåheer kijkt der VIDEO un fortelt oiwer dai frågen hijr uuner:
Woweegen muite wij sicherhët häwe wat Jehovaa gefült?
Wosoo koine wij dat måke?
Wosoo kan man ruuterfijne wat God oiwer aine fijrdag denkt?
Kümt dës fijrdag fon air inlëren wat ni t’hoopstimt mit dai Bijbel? Forsuikt ruuterkrijge fon woo dai heer kümt.
Däit dës fijrdag taudul lüür, grups lüür urer land ëre? Wij daue Jehovaa düler ëre as irgends aners wat un daue anglööwe dat hai ales ine wild int raich bringt.
In dës fijrdåg måke dai lüür wat wat ni t’hoopstime däit mit dai Bijbel? Wij muite oos gans un går rëgen hule.
5. Dau dai andrer helpe dat sai dij uutsuiken forståe
Wen andrer dij säge duu schast fijrdåg mitmåke wat Jehovaa ni gefale, kan ni licht sin dat afsäge. Dau dij uutsuiken mit schik un geduld uutdüüre. Taum saie wosoo kast duu dat måke, kijkt der VIDEO.
Leest Mateus 7:12. Nåheer fortelt oiwer dai frågen hijr uuner:
Mainst duu dat wäir richtig dijne familg taureere wat ni soo denke däit as duu dat sai aine fijrdag fijre urer ni?
Wosoo kast duu tau dijne familg wijse dat’s duu eer lijbe däist lijkerst dat’s duu wek fijrdåg mit eer ni t’hoop fijre däist?
6. Jehovaa wil wij schåle fröölig sin
Jehovaa wil dat wij mit oose familg un mit dai wat wij lijbe gaur tijd t’hoop häwe. Leest Eclesiastes 8:15. Nåheer fortelt oiwer dai fråg hijr uuner:
Wosoo wijst dës spruch dat Jehovaa wil wij schåle fröölig sin?
Jehovaa wil dat sij folk gaur tijdfordrijwen t’hoop hät. Taum saie wosoo as dat passijrt up oose groot kongressen kijkt der VIDEO.
Leest Gálatas 6:10. Nåheer fortelt oiwer dai frågen hijr uuner:
Taum ‘måken wat gaud is’ tau dai andrer, muite wij mit eer t’hoop dai fijrdåg fijre?
Wat däist duu beeter fijne: aim air geschenk geewe weegen dat’s duu dat måke must weegen aim fijrdag urer aim air geschenk geewe weegen dat’s duu dat wilst?
Feel Jehovaas Tüügen hen un wen måke feste tau eer kiner un geewe eer geschenke. Wen’s duu kiner häst, wat kast duu tau eer måke?
WEK DAUE SOO SÄGE: “Dat gäit mij nischt an wat dai fijrdag upsich hät, dat hauptsach is t’hoop sin mit dai familg un dai wat wij lijbe daue.”
Wat däist duu säge?
WAT HÄWE WIJ HIJR LËRT?
Jehovaa wil dat wij mit oose familg un dai wat wij lijbe gaur tijd t’hoop häwe. Åwer hai wil uk dat wij kain fijrdåg fijre wat em ni gefale.
Denk dij ais nå
Wat fon frågen koine oos helpe ruuterkrijge of air fijrdag ni Jehovaa gefale däit?
Wosoo koine wij oose familg un dai wat wij lijbe forståe helpe woweegen as wij wek fijrdåg ni fijre daue?
Wosoo waite wij dat Jehovaa wil wij schåle fröölig sin un tijdfordrijwen häwe?
TAUM MËR WAITE
Dau saie woweegen as dai wår kristen ni wek fijrdåg fijre daue.
“Woweegen daue Jehovaas Tüügen kair fijrdåg fijre?” (Stäit in jw.org taum leesen)
Dau fair daile saie wat wijse woweegen wij glööwe dat geburtsdag fijre däit God ni gefale.
“Woweegen daue Jehovaas Tüügen kair geburtsdagfest måke?” (Stäit in jw.org taum leesen)
Dau saie wosoo kiner wat Jehovaa lijbe, koine em gefale wen fijrdåg fijrt ware.
Duu häst feel wërd tau Jehovaa (11:35)
Wat maine miljone kristen wat uutsöcht häwe ni der wijnachte fijre?
“Sai häwe wat beeters fuune” (Wat Bekandmökt, 1 december 2012)
a Nåt: Dau saie in “Dau beeter forståe” 5 wat man måke kan wen wij mank lüür sin wat fijrdåg fijre.