Wäs reäl in al dai daile

Ale wile gaur ümgang häwe mit lüür wat reäl sin. Jehovaa wil dat uk. Åwer reäl sin in aine wild woo feel lüür ni reäl sin, is ni licht. Nog soo, woweegen is gaud reäl sin?

1. Woweegen uphaupt muite wij reäl sin?

Wen wij reäl sin, daue wij wijse dat wij Jehovaa lijbe un ëre. Denk hijr an: Jehovaa wät ales wat wij denke un måke. (Hebreus 4:13) Hai süüt wen wij uutsuike reäl sin un dat däit em frööge. Ine Bijbel stäit: “Jehovaa hasst dai wat hijnerlistig is, åwer hät aine starke ümgang mit dai gerechte lüür.” (Provérbios 3:32)

2. Wosoo koine wij dag for dag reäl sin?

Jehovaa wil dat wij ‘dai wårhët air tau dem andrer säge.’ (Zacarias 8:16 un 17) Wat bedüürt dit? Dit bedüürt wij daue ni laige urer dai wårhët ümdrëge wen wij fortele mit oose familg, mit dai woo wij mit t’hooparbëre, mit dai bruirers un swesters ine gemaind urer dai wat macht häwe. Dai mësch wat reäl is däit ni steele un ni dai andrer bedraige. (Lees Provérbios 24:28 un Efésios 4:28) Dai däit uk al dai stüür betåle. (Romanos 13:5 bet 7) Soo, wij sin ‘reäl in al dai daile.’ (Hebreus 13:18)

3. Woweegen is gaud reäl sin?

Wen dai andrer oos kene soo as reäl lüür, dai daue sich up oos forlåte. Soo, daue wij mithelpe dat ale ine gemaind sich air upe ande forlåte däit, soo’s ain familg wat sich wirklig ainig is. Un nog, wij ware aine rëgen forstand häwe. Oos reälligkët kan uk “uutsmüke dat lëren fon dem wat oos rert, God”, un dat kan helpe dat dai andrer lüür uk oiwer Jehovaa lëre wile. (Tito 2:10)

DAU MËR LËRE

4. Dai reälligkët gefült Jehovaa

Leest Salmo 44:21 un Malaquias 3:16. Nåheer fortelt oiwer dai frågen hijr uuner:

• Woweegen mainst duu is dumhët denke wij koine wat foir Jehovaa forsteeke?

• Wosoo mainst duu däit Jehovaa sich befijne wen’s duu uutsuike däist dai wårhët säge lijkerst wen dat ni licht is?

5. Wäs reäl al tijd oiwer

VIDEO: Wat däit oos frööligkët geewe? - Aine gaure forstand (2:32)

Leest Hebreus 13:18. Nåheer fortelt oiwer wosoo koine wij reäl sin . . .

• mit oose familg.

• upm arbëd urer ine schaul.

• in andrer daile.

6. Reäl sin is gaud tau oos

Najå, kan soo uutsaie dat reäl sin ni ümer wat gaures ruutergiwt, åwer dat is ümer dat best taum måken. Leest Salmo 34:12 bet 16. Nåheer fortelt oiwer dai fråg hijr uuner:

• Wosoo reäl sin helpt dij taum air beetet leewend häwe?

1. Kërls un fruuges wat reäl sin stärke eer forfrigt leewend

2. Dai schefs forlåte sich up dai arbëdslüür wat reäl sin

3. Reäl lüür ware gaud reekent fon dai wat macht häwe

WAT HÄWE WIJ HIJR LËRT?

Jehovaa wil dat dai wat gaur ümgang mit em häwe, schåle reäl sin in ales wat sai säge un måke.

Denk dij ais nå

• Wosoo wijse wij dat wij reäl sin?

• Woweegen is dumhët denke dat wij wat forsteeke krijge foir Jehovaa?

• Woweegen wilst duu reäl in ales sin?

TAUM MËR WAITE

Wosoo koine dai papa un mama eer kiner inlëre reäl sin?

Säg ümer wat wår is (1:44)

Woweegen is gaud måke wat wij forspråke häwe?

Måk wat’s duu forspråke häst un krijg seegens (9:09)

Woweegen schåle wij dai stüür betåle lijkerst wen dai ni gaud benutst ware?

“Must duu stüür betåle?” (Wat Bekandmökt, 1 september 2011)

Air kërl wat ni reäl wäir hät sij leewend aners måkt. Woweegen?

“Ik häw lërt dat Jehovaa barmhärtsig un forgeewig is” (Wat Bekandmökt, 1 mai 2015)