KAPITEL 37
Wat stäit ine Bijbel oiwer der arbëd un gild?
Häst duu dij al kopbreeken måkt weegen arbëd un gild? Kan ni licht sin oos best tau Jehovaa måke un uk arbëre taum oos ernääre. Åwer, ine Bijbel sin gaur formånen wat oos helpe dat måkt krijge.
1. Wat stäit ine Bijbel oiwer der arbëd?
God wil wij schåle oos frööge mit dem arbëd wat wij häwe. Ine Bijbel stäit dat “is nischt beeter tau dem mësche as . . . beloonen häwe fon sijm swår arbëd”. (Eclesiastes 2:24) Jehovaa däit sër feel arbëre. Wij wile em nåmåke, soo wij daue em gefale un wij daue oos gaud befijne.
Arbëre is sër nöörg. Åwer wij döre ni låte dat dai arbëd mëre wërd hät as Jehovaa sijne wile måke. (João 6:27) Jehovaa sägt wen wij em sijne wile ine airste stel in oosem leewend häwe, hai däit oos geewe wat wij bruuke taum leewe.
2. Wat schåle wij maine oiwer dat gild?
Ine Bijbel stäit dat “dat gild air behüüten is”. (Eclesiastes 7:12) Åwer, sai wijst uk dat dat gild is ni dat ainsig dail wat wij bruuke taum fröölig sin. Dårweegen, dai Bijbel däit oos taureere ni dat gild lijbe, åwer ‘im freere sin mit dai daile wat wij häwe’. (Lees Hebreus 13:5) Wen wij im freere sin mit dat wat wij häwe, wij ware ni traurig doir denke wij häwe nij ais naug. Wij daue oos ni int schulden rinersete wat ni nöörg sin. (Provérbios 22:7) Un wij daue oos ni inlåte mit soo’n gefärlig daile as gild were un hanelrig woo dai lüür säge wij ware sër rasch rijk.
3. Wosoo koine wij oos gild benutse taum andrer helpe?
Jehovaa God is fraigeewig un wij daue em nåmåke wen wij “fraigeewig sin un trecht taum indaile”. (1 Timóteo 6:18) Wij koine dat måke doir oos gild benutse taum dai gemaind mithelpe un uk dai andrer wat dat bruuke, uphaupt oos bruirers un swesters. Jehovaa däit sich düler ankëre woweegen as wij dat geewe un ni in wofeel as wij geewe daue. Wen wij fraigeewig sin uutm härts ware wij fröölig sin un daue Jehovaa gefale. (Lees Atos 20:35)
DAU MËR LËRE
Dau saie woweegen is gaud dai richtig mainung oiwer der arbëd häwe un im freere sin mit dat wat wij häwe.
4. Dau Jehovaa ëre doir dai årt soo’s duu arbëre däist
Oos ümgang mit Jehovaa mut lenke dat wat wij oiwer der arbëd maine. Kijkt der VIDEO. Nåheer fortelt oiwer dai frågen hijr uuner:
In dem video, wat hät dij düler gefale wat Jonas up sijn arbëd måkt hät?
Wat hät hai måkt taum dai richtig mainung oiwer der arbëd hule?
Leest Colossenses 3:23 un 24. Nåheer fortelt oiwer dai fråg hijr uuner:
Woweegen hät feele wërd gaur arbëdslüür sin?
Arbëre is sër nöörg. Åwer, wij döre ni låte dat dai arbëd mëre wërd hät as Jehovaa sijne wile måke.
5. Wij sin fröölig wen wij im freere sin mit dat wat wij häwe
Feel lüür forsuike ümer mër gild fordaine. Åwer ine Bijbel stäit wij schåle aners wat måke. Leest 1 Timóteo 6:6 bet 8. Nåheer fortelt oiwer dai fråg hijr uuner:
Soo’s ine Bijbel stäit, wat schåle wij måke?
Wij koine fröölig sin lijkerst wen dai daile knap sin. Kijkt der VIDEO. Nåheer fortelt oiwer dai fråg hijr uuner:
Wat mökt dat dës lüür fröölig sin, lijkerst dat sai man wënig gild häwe?
Un wen wij al feel häwe åwer wile nog mër? Jësus hät ain geschicht fortelt wat wijst woo gefärlig as dat is. Leest Lucas 12:15 bet 21. Nåheer fortelt oiwer dai fråg hijr uuner:
Wat häst duu lërt fon Jësus sijne geschicht? (Kijkt der spruch 15)
Leest un maint t’hoop Provérbios 10:22 un 1 Timóteo 6:10. Nåheer fortelt oiwer dai frågen hijr uuner:
Wat mainst duu hät mëre wërd: ümgang mit Jehovaa häwe urer feel gild? Woweegen?
Wat fon slime daile kan air mësch häwe wat ümer mër gild fordaine wil?
6. Jehovaa däit oos helpe in dat wat wij bruuke
Kopbreeken häwe mit dem gild un arbëd kan oose gloobe up Jehovaa pruiwe. Kijkt der VIDEO taum saie wosoo koine wij oos drëge mit soo’ne kopbreeken. Nåheer fortelt oiwer dai frågen hijr uuner:
Wat fon swårhëte hät dai braurer in dem video doirset?
Wat hät hai måkt taum sich mit dës swårhëte drëge?
Leest Mateus 6:25 bet 34. Nåheer fortelt oiwer dai fråg hijr uuner:
Woo oiwer koine sich dai sicher sin wat Jehovaa ine airste stel suike daue?
WEK DAUE SOO SÄGE: “Ik mut arbëre taum mijn familg ernääre, ik kan ni jërer week up dai forsamlunge gåe.”
Wat fone spruch giwt dij sicherhët dat Jehovaa sijne wile ine airste stel häwe is ümer dat best?
WAT HÄWE WIJ HIJR LËRT?
Arbëd un gild sin nöörg, åwer dat dört nij ais oos forstööre Jehovaa sijne wile måke.
Denk dij ais nå
Wat kan dij helpe taum dai richtig mainung oiwer der arbëd häwe?
Woweegen is gaud im freere sin mit dai daile wat wij häwe?
Wosoo kast duu wijse dat’s duu anglööwe däist dat Jehovaa sij folk uppasse däit?
TAUM MËR WAITE
Stäit ine Bijbel dat dat gild bloos slechte daile bringt?
“Sin dai ganse slechte daile wat passijre weegen dem gild?” (Stäit in jw.org taum leesen)
Dau lëre wosoo koine wij oos gild benutse taum God gefale.
“Wat sägt dai Bijbel oiwer mit fraiwile geewe?” (Stäit in jw.org taum leesen)
Is dat gild were bloos ain tijdfordrijw?
“Wat däit dai Bijbel inlëre oiwer dat gild were?” (Wåkt Up!, märts 2015)
Air kërl hät anhule mit slechte moors. Woweegen?
“Ik däir sër lijbe dai tijre rijren” (Wat Bekandmökt, 1 november 2011)