KAPITEL 42
Wat stäit ine Bijbel oiwer sich forfrijge urer ni frijge?
In wek gëgende, dai lüür maine air kan bloos fröölig sin wen dai sich forfrijge däit. Åwer ni al dai wat forfrigt sin, sin fröölig, uk ni al dai wat ni frijgt häwe, sin traurig. Ine Bijbel däit wijse dat forfrigt sin urer ni forfrigt sin, sin geschenke fon Jehovaa.
1. Wat fon gaure daile häwe dai wat ni forfrigt sin?
Ine Bijbel stäit: “Dai wat frijgt mökt wat gaures, åwer dai wat ni frijgt mökt nog wat beeters.” (Lees 1 Coríntios 7:32, 33 un 38) Wosoo dai wat ni forfrigt is ‘mökt nog wat beeters’? Dai kristen wat ni forfrigt sin, bruuke sich kain kopbreeken måke mit dat wat air kërl urer ain fruug bruukt. Soo, mëstümer häwe sai mër fraihët. Sai koine dai tijd benutse taum mër tau Jehovaa måke, soo as hentreke nam anerd land taum dai gaure nijges preege. Un dat haupt is dat sai häwe mër tijd taum eene ümgang mit Jehovaa stärke.
2. Wat fon gaure daile häwe dai wat sich t’hoopsrijwe låte?
Dai wat ni forfrigt sin häwe gaur daile, åwer dai wat forfrigt sin häwe uk gaur daile. Ine Bijbel stäit: “Beeter twai as air”. (Eclesiastes 4:9) Dat is wår uphaupt mit dai kristen wat dai formånen fone Bijbel im forfrigte leewend någåe daue. Wen air kërl un ain fruug sich t’hoopsrijwe låte, sai neeme wat oiwersich: sai forsprääke sich lijbe, ëre un air der ande uppasse. Dårweegen daue sai sich beeter befijne as dai wat t’hoopleewe ån sich forfrijge. Un sich t’hoopsrijwe låte is uk gaud taum dai kiner uptreke.
3. Wat maint Jehovaa oiwer dat forfrigt leewend?
As Jehovaa måkt hät dat dai airst kërl un fruug frijge däire, hai hät sägt: “Dai kërl däit sijne papa un sijn mama låte, un mut sich anhule an sijn fruug”. (Gênesis 2:24) Jehovaa wil dat dai kërl un fruug sich lijbe un t’hoopblijwe solang as sai leewe daue. God däit bloos dat uutananersrijwen erlaube wen dai kërl urer dai fruug huurerig måke däit. (Mateus 19:9) Wen soo wat passijrt, dai wat bedråge is kan uutsuike sich uutananersrijwe urer ni. Jehovaa giwt dem dai recht dårtau.a (Kijk dai nåt) Jehovaa däit ni erlaube dat dai kristen mër as air kërl urer ain fruug häwe. (1 Timóteo 3:2)
DAU MËR LËRE
Dau lëre wosoo kast duu fröölig sin un Jehovaa fröölig låte, hät nischt sägen of’s duu forfrigt büst urer ni.
4. Dau dij leewend onglig benutse wen’s duu nog ni forfrigt büst
Jësus däir denke ni forfrigt sin wäir air gaur dail. (Mateus 19:11 un 12) Leest Mateus 4:23. Nåheer fortelt oiwer dai fråg hijr uuner:
Dat Jësus ni forfrigt wäir, wosoo hät hai sijn fraihët benutst taum Jehovaa sijne wile måke un andrer helpe?
Dai kristen wat ni forfrigt sin koine dat neemlig måke wat Jësus måkt hät. Kijkt der VIDEO. Nåheer fortelt oiwer dai fråg hijr uuner:
Wosoo koine dai kristen wat ni forfrigt sin eer leewend benutse up ain årt wat eer fruir giwt?
Wätst duu?
Ine Bijbel stäit ni woo uld air mësch mut sin taum sich frijgen. Åwer dai däit formåne dat dai mësch luurt bet dai “al oiwer dai juugend tijd is.” Weegen, in dai juugend tijd, dai wünsch taum seks måken kan stark sin un kan måke dat dai mësch wat uutsöcht ån onglig denke. (1 Coríntios 7:36)
5. Dau gaud uutsuike mit wem as duu frijge wilst
Duu must sër gaud oiwerdenke mit wem as duu frijge wilst, weegen dat is air uutsuiken mit groote wërd in dijn leewend. Leest Mateus 19:4 bet 6 un 9. Nåheer fortelt oiwer dai fråg hijr uuner:
Woweegen mut air krist gaud denke airer as sich forfrijge?
Doir dai Bijbel kast duu waite wat fon gaure moors mut air mësch häwe taum air gaur kërl urer ain gaur fruug sin. Åwer dat hauptsach is dat hai urer sai Jehovaa lijbe däit.b (Kijkt dai nåt) Leest 1 Coríntios 7:39 un 2 Coríntios 6:14. Nåheer fortelt oiwer dai frågen hijr uuner:
Woweegen schåle wij bloos mit aim frijge wat uk Jehovaa lijbe däit?
Wosoo mainst duu däir Jehovaa sich befijne wen’s duu mit aim frijge däirst wat em ni lijbt?
Wen twai köp fai wat ni oiwerain sin uuner dai neemlig jük måkt ware, dat wart sër swår tau eer sin. Neemlig soo, air krist wat frijge däit mit aim wat ni Jehovaa lijbt, eer leewend wart sër swår sin.
6. Dau neemlig soo denke as Jehovaa oiwer dat forfrigt leewend
Ine früüsch Israel, wek kërls däire bloos an sich selwst denke un dårweegen däire sai sich uutananersrijwe låte fon eer fruuges. Leest Malaquias 2:13, 14 un 16. Nåheer fortel oiwer dai fråg hijr uuner:
Jehovaa hasst dat wen kërl un fruug sich uutananersrijwe låte wen dat ni t’hoopstimt mit dai Bijbel. Woweegen?
Wen dai forfrigte lüür ni reäl air taum ande sin un sich uutananersrijwe, dat bringt sër feel swårhëte tau dem mësche wat bedråge is un tau dai kiner
Kijkt der VIDEO. Nåheer fortelt oiwer dai fråg hijr uuner:
Wen’s duu forfrigt büst mit aim wat ni Jehovaa lijbe däit, wat kast duu måke taum air fröölig forfrigt leewend häwe?
7. Dau dårnå leewe wat Jehovaa sägt oiwer dat forfrigt leewend
Tau wek kan dat ni licht sin soo måke as Jehovaa sägt oiwer dat forfrigt leewend.c (Kijkt dai nåt) Åwer Jehovaa seegent dai wat sich anstrenge. Kijkt der VIDEO.
Leest Hebreus 13:4. Nåheer fortelt oiwer dai fråg hijr uuner:
Wat mainst duu, kan man dårnå leewe wat Jehovaa sägt oiwer dat forfrigt leewend? Woweegen denkst duu soo?
Bijnå ine ganse wild sin leis oiwer up papijr måke wen dai lüür sich frijge daue urer wen sai sich uutananersrijwe. Jehovaa wil dai kristen schåle dës leis horge. Leest Tito 3:1. Nåheer fortelt oiwer dai fråg hijr uuner:
Wen’s duu t’hoop leewe däist, büst duu dij sicher dat’s duu t’hoopsreewe büst?
UN WEN AIR DIJ SOO FRÅGE DÄIT: “Woweegen mut ik mij t’hoopsrijwe låte?”
Wosoo däist duu antwoore?
WAT HÄWE WIJ HIJR LËRT?
Dat forfrigt leewend urer ni forfrigt sin, sin geschenke fon Jehovaa. Dai wat forfrigt sin un dai wat ni forfrigt sin koine air gaur un fröölig leewend häwe wen sai dai daile måke soo as Jehovaa wil.
Denk dij ais nå
Wosoo kan dai mësch wat ni forfrigt is sij leewend onglig benutse?
Woweegen däit dai Bijbel inlëre bloos mit aim frijge wat Jehovaa lijbe däit?
Soo’s ine Bijbel stäit, wonair kan air mësch sich uutananersrijwe låte?
TAUM MËR WAITE
Wat bedüürt “bloos in dem her frijge”?
Dau dës twai videos kijke wat dij helpe koine gaur uutsuiken måke oiwer sich ain bruud urer aine bruudman uutsuike un sich forfrijge.
Dau saie woweegen air braurer maint Jehovaa hät em feel beeters wat geewt as hai hijnerlåte hät.
Wen air mësch denke däit wil sich uutananersrijwe låte urer uutananer gåe, woan mut dai denke?
“Dau ëre ‘wat God uuner der selwig jük måkt hät’” (Wat Bekandmökt, december 2018)
a Nåt: Dau saie “Dau beeter forståe” 4 taum waiten oiwer dat uutananergåen wen dai kërl urer dai fruug kain seks mit ande mësche måkt hät.
b Nåt: In wek gëgende dai papa un mama daue uutsuike mit wem as eer jong urer määke frijge däit. Wen dat soo is, dai papa un mama wat lijb sin forsuike saie of dai mësch Jehovaa lijbt un ni of dai gild urer groot ansaien hät.
c Nåt: Wen’s duu mit aim t’hoop leewe däist ån forfrigt sin, duu must alaine uutsuike of’s duu frijge däist urer uutananergäist.