Wat denke wek lüür oiwer dat gebeed?
“Wen ik beere dau ik forneem mij soo as wen God bij mij is, hült mijn hand fast un lenkt mij wen ik ni wait wat ik måke schal.” - MARÍA.
“Doir 13 jåre lang mijn fruug har krääwt krankhët un dun is sai doodbleewe. Ik kan mij denke ik däir jërer dag tau God beere. Ik fornaim dat hai mij hööre däir un däir mijn waidåg forneeme. Un dat gaiw mij freere.” - RAÚL.
“Dat gebeed is air fain geschenk wat God tau dai lüür geewt hät.” - ARNE.
Tau María, Raúl, Arne un feel andrer, dat gebeed is air fain geschenk. Doir dat gebeed koine sai mit God fortele, em danke un em sijn hülp forlange. Sai daue wirklig anglööwe an dat wat ine Bijbel stäit: “Wij daue oos up em forlåte dat kan sin wat is, wat wij em bire, wat mit em sijn wile t’hoopstimt, hai däit oos hööre.” (1 João 5:14)
Tau feel lüür is ni licht anglööwe an dat wat ine Bijbel stäit oiwer tau God beere. Steve sägt wat hai oiwer dat gebeed denke däir: “As ik 17 jår uld wäir, 3 fon dai wat ik lijbe däir sin ümkåme. Air is ümkåme im unglük un dai andrer bëd häwe sich forsööpt.” Wat hät Steve nådem måkt? Hai hät sägt: “Ik häw tau God beert un frågt woweegen as dat ales passijrt wäir. Åwer, hai hät mij ni antwoort. Dun, häw ik dacht: ‘Wotau beere?’”. Soo as Steve, feel denke soo’s eer gebeeds ware ni antwoort un dårweegen fråge sai sich of dat wirklig loone däit beere.
Åwer is ni bloos weegen dit dat wek lüür denke sai bruuke ni beere. Wek denke dat God ales waite däit, sai bruuke ni tau em beere un oiwer eer problems fortele urer em wat forlange.
Andrer maine God wil ni eer gebeeds hööre weegen slechte daile wat sai trööguut måkt häwe. Jenny sägt: “Ik dau mij sër slecht befijne un dai slechte daile wat ik måkt häw daue mij lërt. Dårweegen ik forneem dat God kain lüür hööre däit soo as ik.”
Un duu? Wat mainst duu oiwer dat gebeed? Häst duu al soo dacht as Steve un Jenny? Dij wart gefale wat ine Bijbel stäit oiwer dat gebeed. Wij koine oos upforlåte wat ine Bijbel stäit.a Dai däit oos helpe dai antwooren fijne tau feel frågen, soo as:
Däit God wirklig oos gebeeds hööre?
Woweegen däit God ni wek gebeeds antwoore?
Wat mut ik måke dat God mijn gebeeds hööre däit?
Wosoo kan dat gebeed mij helpe?
a Ine Bijbel ståe feel gebeeds wat lüür wat God horge däire måkt häwe, sogår Jësus Kristus sijn gebeeds. In dat Ul Testament sijn mër as 150 gebeeds.