१३ तिनले यी भेटीहरू चढाए: पवित्र ठाउँको शेकेलअनुसार*+ १३० शेकेल* तौल भएको चाँदीको एउटा थाल र ७० शेकेल तौल भएको चाँदीको एउटा प्याला। यी दुवै भाँडाभरि अन्‍नभेटी चढाउन तेलमा मुछेको मसिनो पीठो थियो;+ १४ दस शेकेल तौल भएको सुनको एउटा कचौरा, जसमा धूप भरिएको थियो; १५ अग्निभेटीको लागि एउटा बहर, एउटा थुमा र भेडाको एक वर्षे पाठो;+ १६ पापभेटीको लागि बाख्राको एउटा पाठो;+ १७ अनि मेलबलिको+ लागि दुई वटा बहर, पाँच वटा थुमा, पाँच वटा बाख्रा र भेडाको पाँच वटा एक वर्षे पाठा। अम्मिनादाबका+ छोरा नहसोनले चढाएको भेटी यही थियो।