१६ यहोवा परमेश्‍वरले यस्तो आज्ञा दिनुभएको छ: ‘हरेकले जति खान सक्छ, त्यति मात्र बटुल्नू। तिमीहरूले आफ्नो पालमा जति जना छन्‌, त्यसको सङ्‌ख्या हिसाब गरेर प्रत्येकको लागि एक ओमेर*+ बटुल्नू।’”

२३ तब मोसाले तिनीहरूलाई भने: “यहोवा परमेश्‍वरले नै यसो गर भन्‍नुभएको हो। भोलिको दिन यहोवा परमेश्‍वरको लागि छुट्ट्याइएको पवित्र विश्रामदिन* हुनेछ। भोलि तिमीहरूले कुनै काम गर्नेछैनौ।+ त्यसैले जे-जति पकाउन चाहन्छौ, आजै पकाऊ अनि जे-जति उमाल्न चाहन्छौ, आजै उमाल।+ उब्रेको जतिचाहिँ भोलि बिहानसम्म राख।”