१२ हे यहोवा, जब म आफ्नो मुद्दा तपाईँसामु पेस गर्छु

अनि तपाईँसित न्यायका कुरा गर्छु, तब तपाईँ सधैँ सही ठहरिनुहुन्छ।+

तर पनि दुष्टहरूको चाल किन सफल हुन्छ?+

अनि छल गर्नेहरू किन बेफिक्री भएर हिँड्‌छन्‌?

 २ तपाईँले तिनीहरूलाई रोप्नुभयो र तिनीहरूले जरा हाले।

तिनीहरू हुर्के र फल फलाए।

तिनीहरू आफ्नो मुखले त तपाईँको नजिक छु भन्छन्‌ तर तिनीहरूको भित्री विचारचाहिँ* तपाईँदेखि टाढा छ।+

 ३ तर हे यहोवा, तपाईँले मलाई राम्ररी चिन्‍नुभएको छ;+ मलाई देख्नुभएको छ;

मेरो हृदय जाँच्नुभएको छ र म तपाईँप्रति भक्‍त भएको पाउनुभएको छ।+

काट्‌नलाई लगिने भेडालाई जस्तै तिनीहरूलाई छुट्ट्याउनुहोस्‌

र मारिने दिनको लागि तिनीहरूलाई अलग्गै राख्नुहोस्‌।