अध्ययन संस्करण

यी लेखहरूमा मत्ती अध्याय २४ र २५ का केही भाग छलफल गरिएका छन्‌। यी लेखहरूमा अन्तको दिनबारे येशूको भविष्यवाणीमा उल्लिखित घटनाक्रमको समयावधि अनि गहुँ र सामाको दृष्टान्तसम्बन्धी हाम्रो बुझाइमा भएका केही छाँटकाँटबारे बताइएका छन्‌। साथै यी छाँटकाँटहरूबाट हामीले व्यक्‍तिगत रूपमा कसरी लाभ उठाउन सक्छौं भनेर पनि बताइएको छ।

भीडलाई चमत्कारपूर्ण तरिकामा भोजन खुवाउँदा होस्‌ वा आफ्ना अनुयायीहरूलाई आध्यात्मिक भोजन दिंदा येशूले एउटै तरिका प्रयोग गर्नुभयो। त्यो हो: थोरै मानिसमार्फत धेरैलाई खुवाउनु। पहिलो लेखले उहाँले प्रथम शताब्दीका अभिषिक्‍त ख्रीष्टियनहरूलाई खुवाउन प्रयोग गर्नुभएको थोरै मानिसहरूबारे बताउँछ। दोस्रो लेखमा यस महत्त्वपूर्ण प्रश्‍नबारे छलफल गरिएको छ: आज हामीलाई आध्यात्मिक भोजन खुवाउन ख्रीष्टले प्रयोग गरिरहनुभएका थोरै मानिस को हुन्‌?