ख्रिष्टियन जीवन

प्रचारकार्यमा अझै उन्‍नति गर्ने—“उचित मनसाय” भएकाहरूलाई चेला बन्‍न मदत गर्नुहोस्‌

यसो गर्नु किन महत्त्वपूर्ण छ?: यहोवा “अनन्त जीवन पाउन लायकको उचित मनसाय” भएका व्यक्‍तिहरूको मनमा सत्यको बिउ हुर्काउनुहुन्छ। (प्रे १३:४८; १को ३:७) आफूले सिकेअनुसार गर्न कदम चाल्ने व्यक्‍तिहरूलाई मदत गर्न समय दिएर हामी यहोवासँगै काम गर्छौँ। (१को ९:२६) उद्धार पाउन बप्तिस्मा गर्नै पर्छ भनेर बाइबल विद्यार्थीहरूले बुझ्नुपर्छ। (१प ३:२१) हामी तिनीहरूलाई जीवनमा परिवर्तन गर्न, प्रचार गर्न, सिकाउन र यहोवामा जीवन समर्पण गर्न सिकाएर चेला बन्‍न मदत गर्छौँ।—मत्ति २८:१९, २०.

हामी कसरी यसो गर्न सक्छौँ?:

बाइबल विद्यार्थीलाई हामीले तिनीसित अध्ययन सञ्चालन गर्नुको उद्देश्‍य यहोवालाई ‘चिन्‍न’ र उहाँलाई खुसी बनाउन तिनलाई मदत गर्नु हो भनेर सम्झाउनुहोस्‌।—युह १७:३
तिनलाई खराब आनीबानी र खराब सङ्‌गतजस्ता विभिन्‍न बाधाअडचन पार गरेर आध्यात्मिक प्रगति गर्न मदत गर्नुहोस्‌
बप्तिस्मा गर्नुअघि र गरेपछि तिनलाई ढाडस र प्रोत्साहन दिनुहोस्‌।—प्रे १४:२२

यहोवाले तिमीलाई मदत गर्नुहुनेछ भन्‍ने भिडियो हेर्नुहोस्‌, त्यसपछि निम्न प्रश्‍नहरूको जवाफ दिनुहोस्‌:

कोही-कोही समर्पण र बप्तिस्मा गर्नदेखि किन डराउँछन्‌?
एल्डरहरूले बाइबल विद्यार्थीहरूलाई आध्यात्मिक प्रगति गर्न कसरी मदत दिन सक्छन्‌?
यसैया ४१:१० बाट हामी यहोवाबारे के सिक्न सक्छौँ?
त्रुटिपूर्ण भए पनि हामीलाई कुन गुणहरूले यहोवालाई स्वीकार्य हुने तरिकामा उहाँको सेवा गर्न मदत गर्नेछ?

एक जना एल्डर समर्पण र बप्तिस्मा गर्नदेखि डराइरहेका एक व्यक्‍तिसित कुरा गर्दै; बाइबलकालीन समयका एक मानिस आफ्नो छोरालाई मदत गर्न दायाँ हात दिँदै; एक व्यक्‍ति बप्तिस्मा गर्दै — चेला बनाउने काममा हामी कसरी यहोवासँगै काम गर्न सक्छौँ?

के तपाईँ अध्ययन गर्न चाहने अरू कोही छ कि भनेर विद्यार्थीलाई सोध्नुहुन्छ?

यदि तपाईँको बाइबल विद्यार्थीले प्रगति गर्दै छन्‌ भने के तपाईँले तिनलाई तिनका साथीहरू वा आफन्तहरूमध्ये कोही बाइबलको कुरा सिक्न चाहन्छन्‌ कि भनेर सोध्नुभएको छ? (युह १:४०, ४१) बाइबल विद्यार्थीलाई अध्ययनको प्रबन्धबारे आफ्ना साथीहरूलाई बताउन प्रोत्साहन दिनुहोस्‌ र कोही इच्छुक छ भने तपाईँ तिनलाई अध्ययन कसरी गरिन्छ, त्यसको नमुना देखाउन चाहनुहुन्छ भनेर पनि बताउनुहोस्‌। यसरी हामी योग्य व्यक्‍तिहरूलाई खोजिरहन सक्छौँ।—मत्ति १०:११.