Emoniko lyaakayili yuukambe yane mbela olye ku guma?

Oshileshomwa shika ihashi landithwa. Osha nyanyangidhwa, opo shi longithwe miilonga yokulonga aantu Ombiimbeli muuyuni awuhe, mbyoka hayi ambidhidhwa nomayambidhidho gopashimaliwa gehalo ewanawa.

Inda kepandja lyetu lyokointaneta, www.jw.org/ng, opo wu vule okugandja omayambidhidho.

Iitothwamo yOmanyolo moshileshomwa shika oya kuthwa mOmbiimbeli Ondjapuki yomo 2008 (OB-2008), 1986 (OB-1986) noyomo 1954 (OB-1954). Yimwe oya tothwa mOmbiimbeli yOshiingilisa yo-New World Translation of the Holy Scriptures (NW). Oondanda ndhoka dha luudhikwa dha tsa muutendo nenge dhe endekwa otse twe dhi ninga.

OSHIFO SHIKA, Oshungolangelo, otashi simanekitha Jehova Kalunga, Omupangeli gweshito alihe. Otashi hekeleke aantu nonkundana ombwanawa kutya masiku Uukwaniilwa waKalunga womegulu otawu ka hulitha po uukolokoshi awuhe nokuninga evi oparadisa. Otashi humitha komeho eitaalo mokwiitaala Jesus Kristus ngoka a si, opo tu vule okumona omwenyo gwaaluhe nota pangele ngashingeyi e li Omukwaniilwa gwUukwaniilwa waKalunga. Oshifo shika osha kala nokunyanyangidhwa okuza momumvo 1879 sigo okunena, noitashi popi kombinga yiinima yopapolotika. Ayihe mbyoka tashi popi oyi ikolela kOmbiimbeli.