Eendululo lyOsikola yUukalele woPauteokratika

Omapulo taga landula otaga ka pulwa pOsikola yUukalele woPauteokratika moshiwike shoka tashi tameke mo 23 gaFebuluali 2009. Omutonateli gwosikola ota ka kwatela komeho eendululo lyuule wominute 20 lya kankamena kiipopiwa yomoshiwike shomasiku ga 5 gaJanuali sigo 23 gaFebuluali 2009.

1. Kalunga okwa vulu ngiini okweeta po uuyelele mesiku lyotango ngele omaminikilo kaga li ga ningwa natango sigo omesiku etine? (Gen. 1:3, 16) [w04 KY/OD 1/1 epandja 6, okatendo 5]

2. Omolwashike Noa a thingi Kaanan? (Gen. 9:20-25) [w04 KY/OD 1/1 epandja 9 okatendo 2]

3. Uunake ehangano lyopaAbraham lya tameke okuya miilonga, nolya longo uule wethimbo li thike peni? (Gen. 12:1-4) [w04 KY/OD 2/1 epandja 14, okatendo 4; w01 KY/OD 9/1 epandja 9-10 okatendo 13]

4. Oshike tashi ulike kutya elalakano lyaNimrod naalanduli ye ‘okwiiningila edhina lya simana’ olya li lya ndopa? (Gen. 11:4) [w91 KY/OD 5/1 epandja 9, okatendo 4]

5. Ngele Lot oti ithanwa omulumentu “omuyuuki” muPetrus omutiyali 2:7, omolwashike a li a hala okugandja oyanakadhona kongundu yaahangakeni ya geya? (Gen. 19:8) [w05 KY/OD 2/1 epandja 30, okatendo 15-16; w04 KY/OD 2/1 epandja 15, okatendo 1]

6. Oshike aaihokani tayi ilongo moshiholelwa shaAbraham nkene a kandula po oontamanana pokati kaHagar naSara kombinga yaIsmael? (Gen. 21:10-14; 1 Tes. 2:13) [w06 5/1 KY/OD epandja 6, okatendo 5-8]

7. Otatu ilongo shike moshiholelwa shaEliaser sho a li a gwanitha po ehalo lyaJehova okumonena Isak omukulukadhi? (Gen. 24:14, 15, 17-19, 26, 27) [w97 KY/OD 1/1 epandja 15, okatendo 2]

8. Ondjodhi yaJakob yi na ko nasha ‘noshilondelo’ oya li tayi ti shike? (Gen 28:12,13) [w04 KY/OD 2/1 epandja 16, okatendo 5]

9. Omolwashike Rakel e etha po ompito yokulala nomusamane gwe moku yi landakanitha po niiyimati yohole? (Gen. 30:14, 15) [w04 KY/OD 2/1 epandja 16, okatendo 6]

10. Omolwashike tu na okukandula po uupyakadhi mbala ngele twa ningwa nayi? (Gen. 34:1-7, 25-27) [w95 KY/OD 12/1 epandja 32]