Omatseyitho
◼ Iileshomwa mbyoka tayi gandjwa moomwedhi tadhi landula: Juli naAuguste: Uubroshure womapandja 32 tawu landula: Mbela Kalunga oku na ko ngoo nasha nafye shili?, Ngoye oto vulu okukala nomwenyo sigo aluhe kombanda yevi!, Oombepo dhOonakusa — Otadhi Vulu Oku Ku Kwathela Nenge Otadhi Ku Etele Oshiponga? Oko Dhi Li Shili?, Ondjila ndjoka tayi fala komwenyo gwaaluhe mbela owe yi mona? nosho wo Oto vulu okukala kuume kaKalunga. Septemba: Omalongo gashili gOmbiimbeli ogeni naanaa? Kotoba: Oshungolangelo no-Awake!
◼ Molwaashoka Auguste ogu na omahuliloshiwike gatano, otagu ka kala omwedhi tagu opalele lela okukutha uukwathelikokolindjila.
◼ Ngele owa hala oku ka talela po oshilongo shoka kaashi mo melandulathano lyolopota yiilonga yokomumvo nenge ondjukithi yasho kayi mo melandulathano pepandja lyahugunina lyembo Yearbook 2009, ninga ekwatathano noshitayimbelewa sheni wu lombwelwe shoka wu na okutakamitha nenge wu pewe omalombwelo gontumba. Iilonga yUukwaniilwa moshitopolwa moka otashi vulika ya ngambekwa. (Mat. 10:16) Miilongo yimwe otashi vulika kaashi li nawa kaatalelipo okuninga omakwatathano nOonzapo nenge nomagongalo. Otashi vulika to ka pewa omalombwelo kombinga yokugandja uunzapo wontukuluka nenge ngele owu na okukala niileshomwa. Elongelokumwe lyoye moshinima shika otali ke ku kwathela waaha ye muupyakadhi inoo shi tegelela nenge wu tule iilonga yUukwaniilwa moshiponga. — 1 Kor. 14:33, 40.