Shoka tatu vulu okutya ngele tatu gandja iifo

Oshungolangelo 1 Septemba

Aantu oyendji oya tegelela ehulilo lyuuyuni. Sho to tala otali ya uunake? [Tegelela a yamukule.] Lesha Mateus 24:36. Oshifo shika pepandja eti-6 otashi yamukula epulo ndyoka nosho wo galwe ngoka aantu oyendji haya pula shi na ko nasha nehulilo.

Awake! Septemba

Lesha Mateus 5:39. Pula to ti: “Mbela Jesus okwa li a hala okutya otu na owala okukala twa mwena ngele tatu hindwa? [Tegelela a yamukule.] Moshifo shika omu na oshitopolwa tashi popi etaloko lyOmbiimbeli kombinga yokwiigamena paumwene nopaveta.” Mu ulukila oshitopolwa shoka tashi tameke pepandja 10.

Oshungolangelo 1 Kotoba

Tumbula oshinima shoka aantu hayi ipula unene nasho momudhingoloko gweni. Pula to ti: “Mbela owi ipula ngaa nale kutya omolwashike aantu haya ningi iinima iiwinayi ya tya ngawo? [Tegelela a yamukule.] Ombiimbeli otayi tu pe etegameno. [Lesha 2 Petrus 3:13.] Oshifo shika otashi ulike shoka Ombiimbeli tayi ti kombinga yosheetithi shomaupyakadhi, nonkene masiku Kalunga ta ka hulitha po iilonga iiwinayi.”

Awake! Kotoba

“Olundji ohatu uvu nkene aantu ya kengelelwa kookuume kawo kopandjokana, kaanapolitika nokuyalwe. Mbela oto dhiladhila kutya oshidhigu okumona aantu aainekelwa? [Tegelela a yamukule.] Aantu oyendji oyu uvite kutya enyolo ndika otali gwanithwa. [Lesha 2 Timoteus 3: 1-5.] Oshifo shika otashi yelitha kutya openi tatu vulu okwaadha aantu aainekelwa.”