Iizemo yinyanyudha yiilonga yomomapya

Aauvithi nosho wo aakokolindjila kohi yoshitayimbelewa shaSouth Africa oya li ya longo nuudhiginini momwedhi gwaMei, ngaashi ya li ya ningi muMaalitsa naApilili. Botswana okwa lopota oshitsa shopombanda oshipe shaakokolindjila yondjigilile 211. Namibia okwa adha iitsa iyali yopombanda: shaakokolindjila yondjigilile 191 noshaauvithi 1 950. South Africa okwa adha iitsa itatu yopombanda: shaakokolindjila yondjigilile 9 130, shaauvithi 92 255 noshaakonakonimbiimbeli 132 008. Okantuntu St. Helena nako oka li ka nyanyukilwa aauvithi 120 mboka ya li ya kutha ombinga miilonga yokuuvithila aakalimo ye thike lwopo 4 000. Otwe mu pandula sho mwa kutha ombinga mokuuvitha “onkundana ombwanawa” nosho wo ‘mokuninga aantu aalongwa’ miitopolwa ayihe mbyoka yi li kohi yoshitayimbelewa shetu. — Mat 24:14, NW; 28:19, 20.