Omatseyitho

◼ Iileshomwa mbyoka tayi gandjwa muNovomba naDesemba: Gandja okatraktate kedhina Mbela owa hala okutseya oshili? nenge okatraktate kehe hoka egongalo lyeni li na mostoka. Mpoka omunegumbo u ulika ohokwe, ulika nkene ekonakonombiimbeli hali ningwa to longitha embo Omalongo gOmbiimbeli nenge okabroshure Kala ho pulakene kuKalunga opo wu ka kale nomwenyo sigo aluhe. Januali naFebuluali: Gandja kamwe komuubroshure womapandja 32 tawu landula: Ombiimbeli oyi na etumwalaka lini?, Oto vulu okukala kuume kaKalunga nosho wo Ondjila ndjoka tayi fala komwenyo gwaaluhe mbela owe yi mona? Uuna to ningi omaishunoko kambadhala okutameka omakonakonombiimbeli to longitha embo Omalongo gOmbiimbeli nenge okabroshure Kala ho pulakene kuKalunga opo wu ka kale nomwenyo sigo aluhe ngele oko ke mu opalela.

◼ Esiku lyi ikalekelwa lyokugandja iifo otali ka kala ko mo 2 Maalitsa 2013 mOlyomakaya. Otatu ladhipike aauvithi ayehe ya ninge omalongekidho ngashingeyi, opo ya ka kuthe ombinga pakuudha mesiku ndyoka.

◼ Mboka taya ka kutha uukwathelikokolindjila momwedhi gwaMaalitsa 2013 oyo yene taya ka hogolola ngele oya hala okulonga oowili 30 nenge 50. Ngele omutonatelishikandjo ota talele po egongalo lyeni muMaalitsa, ayehe mboka ya kutha uukwathelikokolindjila kutya nduno oya hogolola okulonga oowili 30 nenge 50 oye na uuthembahenda oku ka kala pokugongala akuhe hoka omutonatelishikandjo ha ningi naakokolindjila yondjigilile.

◼ Oshikonga shiitopolwa mbyoka ihaayi longwa shito mo 2013 otashi ka ningwa momwedhi gwaMaalitsa, Apilili naMei. Otatu ladhipike aakuluntugongalo ya shilipaleke nokutseyithila aauvithi manga kuyele kutya uunake nokiitopolwa yini mbyoka ihaayi longwa taku ka longwa.

◼ Egongalo lyaNdangwa moNamibia olya li lya nyanyukilwa eyapulo lyOshinyanga shUukwaniilwa shalyo oshipe.