OMALIKO OKUZA MOOHAPU DHAKALUNGA | JEREMIA 51–52
Oohapu dhaJehova ohadhi gwanithwa po thiluthilu
Jehova okwa hunganeka shoka tashi ka ningwa monakuyiwa
Omuumbi gwuutati gwomuuwa waPersia
“Upikeni iikuti yeni”
51:11, 28
Aamedia nAapersia oya li oondjumbeta mokuumba uutati mboka wa li oshikondjitho shawo sha simana. Oya li hayu upike iikuti yawo, opo yi vule okuningina nawa
“Aakwiita Aababilonia oye etha okukondja”
51:30
Enyolohokololo lyaNabonidus olya ti: “Etangakwiita lyaKores inali kondja, sho lye ya muBabilonia.” Shika osha hala okutya kapwa li omaipumomumwe gasha, naashoka oshi li metsokumwe nehunganeko lyaJeremia
Enyolohokololo lyaNabonidus
‘Babilonia otashi ka ninga omakulukuma nombuga sigo aluhe’
51:37, 62
Okuza mo 539 K.E.N., esimano lyaBabilonia olya tameke okukana po. Aleksander Omunene okwa li a hala oku shi ninga oshilandopangelo she, ihe okwa si ombadhilila. Petameko lyethimbo lyAakriste, omwa li natango Aajuda, nomolwaashono omuyapostoli Petrus a li ha yi ko a ka talele po. Ihe mo 301-400 E.N., oshilando osha adhika sha hanagulwa po, nokonima osha ningi eputu