Yanda iiponga mbyoka hayi etwa komakwatathano gopaintaneta

OMOLWASHIKE SHA SIMANA?: Ngaashi iilongitho oyindji, omakwatathano gopaintaneta otaga vulu okukala ekwatho nenge ga nika oshiponga. Aakriste yamwe oya hogolola kaaye ga longithe. Omanga yalwe haye ga longitha, opo ya kwatathane noyaandjawo nonookuume kawo. Ihe Satana okwa hala tu ga longithe nayi, shoka tashi vulu okunyateka edhina lyetu nokuteya po uukuume wetu naJehova. Ngaashi Jesus, otatu vulu okulongitha omakotampango gomOohapu dhaKalunga, tu dhimbulule mo iiponga mbyoka hayi etwa komakwatathano gopaintaneta noku yi yanda. — Luk 4:4, 8, 12.

IIPONGA MBYOKA TU NA OKUYANDA:

• Okulongitha omakwatathano gopaintaneta sha pitilila. Okulongitha oowili odhindji momakwatathano gopaintaneta otaku vulu okumana po ethimbo lyetu lyokuninga iinima yopambepo.

  Omakotampango gOmbiimbeli: Ef 5:15, 16; Fil 1:10

• Okutala iinima inaayi yogoka. Okutala omathano taga kokele momilalo otaku vulu okuningitha omuntu a pikwe kokutala omathano giipala nenge a ye moluhondelo. Okulesha uuyelele nenge omapandja gokointaneta gaashunimona otaku vulu okuyona po eitaalo lye.

  Omakotampango gOmbiimbeli: Mat 5:28; Fil 4:8

• Okunyola ko oohapu nenge okutula ko omathano inaaga yogoka. Molwaashoka omutima ogu na omakoto, omuntu otashi vulika a kale e na egamo lyokutula oohapu inaadhi yogoka nenge omathano komakwatathano gopaintaneta. Ihe shoka otashi vulu okunyateka edhina lye nenge shi nkundipaleke eitaalo lye.

  Omakotampango gOmbiimbeli: Rom 14:13; Ef 4:29

TALA OKAVIDIO KALA WU NA OONDUNGE UUNA TO LONGITHA OMAKWATATHANO GOPAINTANETA, E TO TALA NKENE TO VULU OKUYANDA OONKALO NDHIKA: