Jehova oku shi uvitile ngiini?

Manga inaatu ninga omatokolo omanene nenge omashona, ohatu ipula ngaa kutya ‘Jehova oku shi uvitile ngiini?’ Nonando itatu ka tseya ashihe shono Jehova ha dhiladhila, okwe tu pa omayele ga gwana mOohapu dhe ngoka tage tu kwathele tu kale twa gwana okulonga “oshilonga kehe oshiwanawa.” (2Tim 3:16, 17; Rom 11:33, 34) Jesus okwa li a mono lela kutya Jehova okwa hala a ninge shike nokwe shi pititha komeho monkalamwenyo ye. (Joh 4:34) Onkee ano, natu holeleni Jesus mokuninga omatokolo ngoka taga nyanyudha Jehova. — Joh 8:28, 29; Ef 5:15-17.

TALA OKAVIDIO KONAKONENI KUTYA JEHOVA OKWA HALA MU NINGE SHIKE (LEV 19:18), E TO YAMUKULA OMAPULO NGAKA:

• Omolwashike tu na okutula miilonga omakotampango gOmbiimbeli monkalamwenyo yetu?

• Omakotampango gOmbiimbeli geni tage tu kwathele uuna tatu hogolola oomusika?

• Omakotampango gOmbiimbeli geni tage tu kwathele kombinga yomizalo nokwiiyopaleka?

• Omiinima yilwe yini tatu vulu okutula miilonga omakotampango gOmbiimbeli?

• Ongiini tatu vulu okuhwepopala mokutala kutya Jehova okwa hala tu ninge shike?