Jesus a kuutumba koshipangelapundi shi li pombanda kokule nevi, a tala oongundu mbali dhaantu. Omathano: Aamwatate naamwameme taya longele Jehova. 1. Omumwameme e na okatableta ta tala kegulu. 2. Aaihokani taya lesha Ombiimbeli. 3. Aamwatate naamwameme taya longo miilonga yehangano yokutunga. 4. Omumwatate ta galikana e li mokandunda kondholongo. 5. Omumwameme omukokele ta gandja etyokosha pokugongala. 6. Omumwameme e li moombete, moshipangelo, ta gandja okafo kwaangoka te mu panga. 7. Omusamane ta konakona naanegumbo ye. Omathano: Aalumentu naakiintu ye na eihumbato kaali li metsokumwe nomakotampango gOmbiimbeli. 1. Omulumentu e li mehala lyokundombola ta galikana. 2. Omulumentu ta dhenge omukiintu. 3. Aantu ya tukula ekanka ya geya. 4. Omulumentu a homata ombistoli a landula omukiintu mehala moka hamu paakinga oohauto. 5. Omusita ta galikanene aakwiita. 6. Omukiintu ta longitha iingangamithi.

Oshifo shokukonakonwa

SEPTEMBA 2024

IITOPOLWA YOKUKONAKONWA: 11 NOVOMBA–8 DESEMBA 2024

Oshileshomwa shika ihashi landithwa. Osha nyanyangidhwa, opo shi longithwe miilonga yokulonga aantu Ombiimbeli muuyuni awuhe, mbyoka hayi ambidhidhwa nomayambidhidho gopashimaliwa gehalo ewanawa. Opo wu gandje omayambidhidho, inda kepandja lyetu lyokointaneta, donate.jw.org.

Iitothwamo yomanyolo moshileshomwa shika oya kuthwa mOmbiimbeli Ondjapuki yomo 2008 (OB-2008), 1986 (OB-1986) noyomo 1954 (OB-1954). Yimwe oya tothwa mOmbiimbeli yOshiingilisa yo-New World Translation of the Holy Scriptures (NW). Oondanda ndhoka dha luudhikwa dha tsa muutendo nenge dhe endekwa otse twe dhi ninga nelalakano lyokutsa omuthindo.