Oshike sha ningwa po sho ya pulakene kuSatana?

Adam naEva oya si molwaashoka inaya vulika kuKalunga. Genesis 3:6, 23

Eva okwa pulakene keyoka e ta li komuti ngoka gwi indikwa. Konima okwa pe Adam ngoka naye wo a li.

Shoka ya ningi osha li sha puka nosha li uulunde. Kalunga okwe ya tidha mo mOparadisa.

Onkalamwenyo oya li ondhigu kuyo nosho wo koyana. Oye ende taya kulupa sigo ya si. Sho ya si, inaya ya moshilongo shoombepo, ihe oya hulu po thiluthilu.

Aasi kaye na omwenyo, oya fa owala ontsi yevi. Genesis 3:19

Atuhe ohatu si molwaashoka otu li oluvalo lwaAdam naEva. Oonakusa ihaya vulu okumona ko, okuuva ko noihaya vulu okulonga sha.—Omuuvithi 9:5, 10.

Jehova ka li a hala aantu ya kale haya si. Masiku ota ka yumudha aasi. Ngele otaya pulakene kuye, otaya ka kala nomwenyo sigo aluhe.