OSHITSA 16

Tunga yalwe nokukala netaloko ewanawa

Job 16:5

SHOKA WU NA OKUNINGA: Pehala lyokupopya omaupyakadhi ngoka aantu ye na, popya nkene taga ka kandulwa po nosho wo iinima mbyoka tayi tsu omukumo aapulakeni.

NKENE WU NA OKU SHI NINGA:

Kala wa tala ko aapulakeni momukalo omuwanawa. Kala wu na einekelo kutya ooitaali ooyakweni oya hala okulonga shoka shu uka momeho gaJehova. Nonando oto gandja omayele, kala tango ho pandula mpoka sha pumbiwa.

Popya momukalo tagu ulike kutya owu hole aapulakeni yoye. Imemeha, opo wu ya kwathele ya kale ye uvite kutya owu na ko nasha nayo noya vule oku ku inekela.
Ino kala unene to popi iinima mbyoka iiwinayi. Moshipopiwa shoye, ino kala unene to gandja eitulomo kiinima iiwinayi. Pehala lyaashono, popya iinima mbyoka tayi tungu.
Longitha nawa Oohapu dhaKalunga. Popya shoka Jehova a ninga nale, shoka ta ningi ngashingeyi naashoka ta ka ningila aantu monakuyiwa. Kwathela aapulakeni ya kale ye na etegameno nomukumo.