Oshitopolwa shaagundjuka

Nkene ye na okukondjitha omamakelo

JOSEF—OSHITOPOLWA SHOTANGO

Omalombwelo: Ningila edhewo ndika momudhingoloko gwa mwena. Sho to lesha omanyolo, kala wa fa wu wete wu na mo ombinga moshiningwanima shoka. Kala wa fa wu wete shoka tashi ningwa. Kala wa fa wu uvite omawi. Kala wa fa wu uvite omaiyuvo gaantu mboka ya tumbulwa mehokololo. Mwenyopaleka ehokololo.

Mboka taya dhana onkandangala: Josef nomukulukadhi gwaPotifar

Engongo: Josef ta kondjitha emakelo sho a li ta makelwa a ye momilalo nomukulukadhi gwaPotifar.

1 KONAKONA OSHININGWANIMA SHOKA.—LESHA GENESIS 39:1-12.

Hokolola eopalo lyegumbo lyaPotifar sho to li thaneke momadhiladhilo goye.

․․․․․

Mbela oto dhiladhila kutya Josef okwa li e na ondjelo ya fa peni? (Uuyelele wa gwedhwa po: Leshulula ovelise  6.)

․․․․․

Omutono gwewi lyaJosef otagu ulike omaiyuvo geni sho ta popi nomukulukadhi gwaPotifar movelise 8 no 9?

․․․․․

2 KONAKONA MUULE OSHININGWANIMA SHOKA.

Oshike tashi vulika sha li tashi vulu okumakela Josef e ethe po omikalo dhe omiwanawa? (Uuyelele wa gwedhwa po: Lesha Aafilippi 2:12 nosho wo dhiladhila konkalo yaJosef. Pashiholelwa, dhiladhila kutya mbela iilyo yuukwanegumbo wandjawo yaJosef nosho wo aalongeli yaJehova ooyakwawo oya li peni pethimbo mpoka?)

․․․․․

Omolwashike to dhiladhila kutya Josef okwa li e wete kutya okuya moluhondelo oshi li eyono kuKalunga, ngele pethimbo mpoka kapwa li ompango yi li ompinge noluhondelo? (Uuyelele wa gwedhwa po: Lesha nokudhiladhila komanyolo taga landula: Genesis 2:24; 12:17, 18; Aaroma 2:14, 15 nAahebeli 5:14.)

․․․․․

3 TULA MIILONGA SHOKA WI ILONGA. NYOLA KOMBINGA YAASHOKA WI ILONGA . . .

Ekwatathano ndyoka li li pokati keipangelo neisimaneko.

․․․․․

Uuwanawa mboka hawu monika kwaamboka ya dhiginina omithikampango dhaKalunga dhopamikalo.

․․․․․

Owa pumbwa okudheula oondunge dhoye ‘dhokunongela.’ (Aahebeli 5:14, NW).

․․․․․

SHOKA TO VULU OKUTULA MIILONGA NATANGO.

Omoombinga dhini dhonkalamwenyo to ka vula okukala wa tokola toko uuna to makelwa wu ye momilalo? (Uuyelele wa gwedhwa po: Lesha nosho wo tedhatedha komanyolo ngaka taga landula: Job 31:1; Episalomi 119:37; Aaefeso 5:3, 4.)

․․․․․

4 OSHITOPOLWA SHINI SHEHOKOLOLO NDIKA TASHI TI SHA UNENE KUNGOYE, NOMOLWASHIKE?

․․․․․

Ngele ku na a Ombiimbeli, oto vulu okupula Oonzapo dhaJehova nenge wu yi leshe kointaneta ko-www.watchtower.org