Ombiimbeli otayi ti ngiini?

Mbela kombanda yevi onaku ka kale ngaa ombili?

Ngoye oto ti ngiini?

• Eeno

• Aawe

• Pamwe ngaa

Shoka Ombiimbeli tayi ti

Uuna Jesus Kristus ta pangele, ‘ombili otayi ka kala moshilongo, manga omwedhi tagu minikile,’ sha hala okutya, sigo aluhe. — Episalomi 72:7.

Oshike ishewe tatu vulu okwiilonga mOmbiimbeli?

• Aakolokoshi otaya ka kombwa ko kombanda yevi, opo aantu aawanawa ya ‘ka mone uulinawa nombili.’ — Episalomi 37:10, 11.

• Kalunga ota ka hulitha po iita. — Episalomi 46:8, 9.

Mbela aantu otaya wapa ngaa okukala ye na ombili yashili yopamadhiladhilo?

Aantu yamwe oyi itaala . . . kutya ombili yashili yopamadhiladhilo itayi vulu okumonika ngele uuyuni owu udha natango okumona iihuna nokwaanuuyuuki. Ngoye oto ti ngiini?

Shoka Ombiimbeli tayi ti

Nokuli nongashingeyi, mboka ya hedha popepi naKalunga otaya vulu okukala ye na ‘ombili yaKalunga, ndjoka yi vule uunongo auhe wopantu.’ — Aafilippi 4:6, 7.

Oshike ishewe to vulu okwiilonga mOmbiimbeli?

• Kalunga otu uvaneke kutya ota ka hulitha po okumona iihuna nokwaanuuyuuki, a ‘ninge iinima ayihe iipe.’ — Ehololo 21:4, 5.

• Otatu vulu okumona ombili yokomutima ngele otwa kala tatu sile oshimpwiyu ‘ompumbwe yetu yopambepo’ nenge tu na ekwatathano lyopothingo naKalunga. — Mateus 5:3, NW.