Shoka tatu vulu okutya ngele tatu gandja iifo

Oshungonangelo 1 Juni

“Aantu oyendji kunena oyu uva kutya uuyuni otawu ka hula po. Mbela sho to dhiladhila ehulilo lyuuyuni otali ya uunake? [Tegelela a yamukule.] Tala shoka Ombiimbeli tayi ti. [Lesha Lukas 21:34-35.] Oshifo shika otashi yamukula omapulo gamwe ngoka aantu ye na kombinga yehulilo.” Mu ulukila oshitopolwa shoka tashi tameke pepandja 10.

Awake! Juni

“Atuheni ohatu silwa aantu mboka tu shi nawa. Mbela otu na okukala twa tila kutya oonakusa otashi vulika ya kale ye tu geela noku tu etela oshiponga? [Tegelela a yamukule. Lesha Omuuvithi 9:5, 6.] Moshifo shika omu na oshitopolwa shoka tashi hekeleke.” Mu ulukila oshitoplwa shoka tashi tameke pepandja 22.

Oshungonangelo 1 Juli

“Aantu oyendji kunena ohaya kongo omayele koonzo odhindji kombinga yokuputudha aanona, yoondjokana nokomaupyakadhi ge na ko nasha niikolitha. Mbela ohaya pewa ngaa aluhe omayele ngoka taga longo. [Tegelela a yamukule.] Aantu oyendji oya dhina omayele ngoka ge na oshilonga unene. [Lesha 2 Timoteus 3:16.] Oshifo shika otashi ulike kutya omolwashike tu na okwiinekela Ombiimbeli notashi gandja iiholelwa yomayele taga longo ngoka ge li mo.”

Awake! Juli

“Aantu oyendji kunena oya polimana. Mbela sho to dhiladhila Kalunga oku na ko ngaa nasha naantu mboka? [Tegelela a yamukule. Lesha Episalomi 34:18.] Nonando mboka ya polimana oya pumbwa epango lyopaunamiti, oshifo shika otashi ulike nkene Kalunga he ya kwathele. Otashi gandja wo omaetopo nkene tu na oku ya hekeleka.”