Oshimpungu shomapulo

◼ Oto ki inyenga ngiini uuna wa lombwelwa waaha uvithe?

Oshikando shimwe omupolisi okwa li a lombwele aauvithi mboka yi ipyakidhila muukalele kutya otaya yono ompango nokwe ya lombwele ya haa uvithe we. Uuna wa lombwelwa wu shi ninge, thiga po ehala ndyoka meendelelo nonesimaneko. (Mat. 5:41; Fil. 4:5) Ino kambadhala wu ungaunge noshinima shoka kungoye mwene mokupopya kombinga yuuthemba wetu wokuuvitha. Ngele otashi vulika, nyola onomola nenge edhina ndyoka li li kokakalata komupolisi ngoka nosasiyona mpoka ha longele. Konima yoshiningwanima shoka, lombwela aakuluntugongalo nziya ya ninge ekwatathano noshitayimbelewa kombinga yaashoka. Sha faathana, ngele omuwiliki nenge komukalelipo gwehala te ku pula wu thige po ehala lyetungo nenge lyuufuleta owu na okweendelela wu ze mo, e to lombwele aakuluntugongalo oshinima shoka moompadhi oontalala. Okuungaunga naamboka ye na oonkondopangelo momukalo gwombili noneifupipiko otashi ka keelela twaaha ye momaupyakadhi inaashi pumbiwa. — Omayel. 15:1; Rom. 12:18.