Shoka tatu vulu okutya ngele tatu gandja iifo

Oshungolangelo 1 Auguste

Mbela opu na ngaa ngoka ta vulu okukwathela mboka taya lili ya pumbwa ekwatho? [Tegelela a yamukule. Lesha Episalomi 72:12, 13.] Oshifo shika otashi yelitha kutya Jehova Kalunga oye ha hupitha mboka taye mu lilile. Mu ulukila oshitopolwa shoka tashi tameke pepandja 27.

Awake! Auguste

“Oo-muvie odhindji kunena ohadhi ulike iinima yoompwidhuli, yuukwandjongo noyuulodhi. Mbela oompwidhuli oko dhi li shili? [Tegelela a yamukule. Lesha 1 Aakorinto 10:20.] Oshifo shika otashi popi shoka Ombiimbeli tayi ti kombinga yoompwidhuli nonkene tu na okwiigamena kudho.” Mu ulukila oshitopolwa shoka tashi tameke pepandja 20.

Oshungolangelo 1 Septemba

“Aantu oyendji ohaya kala ya tila kutya evi otali ka hanagulwa po niikondjitho yopalute. Mbela sho to tala, oshinima shoka otashi ka ningwa ngaa? [Tegelela a yamukule.] Tala shoka Ombiimbeli tayi ti. [Lesha ehololo 11:18.] Oshifo shika otashi yamukula omapulo gane ge na ko nasha nehulilo lyuuyuni ngoka olundji aantu hayi ipula.”

Awake! Septemba

“Mbela sho to dhiladhila oongodhi dhopeke, oo-email nosho wo iilongitho iikwawo yopashinanene oya kutha po uuza nenge oye wu eta po? [Tegelela a yamukule.] Tala eetopo limwe ndyoka tali tu kwathele kaatu kale twa sa uuza. [Lesha Iilonga 20:35.] Oshifo shika otashi gandja omayele ga gwedhwa po taga longo okuza mOmbiimbeli.”