Okavidio The Bible— Accurate History, Reliable Prophecy
Uuyelele wuni tawu ulike kutya ondjokonona ndjoka ya nyolwa mOmbiimbeli oyoshili? Omahunganeko gOmbiimbeli geni ga gwanithwa ngoka tage tu pe einekelo kutya omahunganeko gomonakuyiwa otaga ka gwanithwa wo? Omapulo ngaka oga yamukulwa mokavidio The Bible — Accurate History, Reliable Prophecy, mokaDVD okatitatu, The Bible — A Book of Fact and Prophecy. Konima ngele wa tala okavidio haka, yamukula omapulo taga landula.
(1) Olye Onzo yuuyelele mboka wu li mOmbiimbeli? (Dan. 2:28) (2) Ombiimbeli oya popya uushili wuni kombinga yaEgipiti shonale, nongiini ehunganeko ndyoka li li muJesaja 19:3, 4 lya gwanithwa? (3) Aalafululi oya koleke ngiini shoka Ombiimbeli tayi popi shi na ko nasha naAssur, aakwaniilwa yasho nehanagulo lyasho? (Nah. 3:1, 7, 13) (4) Omahunganeko geni taga popi Babilonia ga li ga gwanithwa? (Jer. 20:4; 50:38; 51:30) (5) Ehunganeko lini kombinga yaMedo-Persia lya gwanithwa? (Jes. 44:28) (6) Oohapu dhaDaniel 7:6 nosho wo 8:5, 8 ndhoka tadhi popi Greka odha gwanithwa ngiini? (7) Oohapu dhaDaniel 7:7 odha li dha gwanithwa ngiini sho Roma a ningi epangelo enankondo lyuuyuni? (8) Aakesari yeni ya tumbulwa mOmbiimbeli? (9) Aakriste oya li ya ningilwa shike kohi yepangelo lyaNero? (10) Omahunganeko ngoka ge li mEhololo 13:11 nosho wo 17:10 oga gwanithwa ngiini? (11) Omukwaniilwa omutihetatu olye? (12) Mokavidio omu na shike shoka tashi ulike kutya oohapu dhOmuuvithi 8:9 odhoshili? (13) Omahunganeko gomonakuyiwa geni wa tegelela ga gwanithwe? (14) Ongiini to vulu okulongitha okavidio haka wu tompe yalwe yu uve ko kutya Ombiimbeli oya za kuKalunga?