Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaDesemba

“Aantu oyendji oya nyengwa okudhimbulula elongelokalunga lyashili. Mbela sho to tala, ongiini to vulu okudhimbulula elongelokalunga lyashili? [Tegelela a yamukule] Tala kwaashoka 2 Timoteus 3:16, 17 ta ti kombinga yankene Aakriste yashili ye na okukala ya tala ko Ombiimbeli. [Lesha oovelise ndhoka.]” Pa omunegumbo Oshungolangelo yaKotoba-Desemba e tamu kundathana uuyelele mboka wu li pepandja 16 kohi yepulo etitatu. Gandja oshifo e to ningi elongekidho wu galuke mu ye mu kundathane epulo lya landula ko.

Oshungolangelo Kotoba-Desemba

“Ombiimbeli otayi ti kutya David okwa li omulumentu a hokiwa kuKalunga nokwe mu opalela. Mbela ngoye ino hala okukala wa hokiwa kuKalunga ngaashi David? [Tegelela a yamukule.] Osha yela kutya nangoye owa hala wu kale to popiwa ngaashi David a popiwa mu 1 Samuel 13:14. [Lesha ovelise ndjoka.] Oshifo shika otashi kundathana nkene omuntu ta vulu okukala a hokiwa kuKalunga ngaashi David.”

Awake! Desemba

Lesha 2 Timoteus 3:16, e to ti: “Aantu yamwe oyi itaala kutya Ombiimbeli oya nwethwa mo kuKalunga ihe yamwe inaye shi itaala. Ngoye oto ti ngiini? [Tegelela a yamukule.] Nonando aantu oyi itaala iinima ya yoolokathana moshinima shika, oyendji oyi itaala kutya kaku na embo lilwe ndyoka aantu ya kambadhala okuhanagula po kaali shi owala Ombiimbeli. Oshifo shika otashi gandja uuyelele kombinga yankene aantu yamwe momathelemumvo ga piti ya li ya ningi oonkambadhala ya hanagule po Ombiimbeli opo kaayi leshwe. Otashi yelitha wo kutya omolwashike aantu inaaya vula oku yi hanagula po.”